Géfin Gyula (szerk.): A szombathelyi egyházmegye története II. 1777-1929 (Szombathely, 1929)
Ötödik rész: Dr. Boda János: A rk. iskolaügy fejlődése
eo cumprimis consistentem, ut in remotioribus ab Ordinariis Sedibus Episcoporum Jaurinensis, Veszprimiensis, ac Zagrabiensis, Comitatibus, et Districtibus magis vicini Pastores constituantur, qui Dioeceses suas, arctioribus Limitibus constitutas frequentius visitent, Cleri Disciplinam urgeant, Excessibus quibusvis, qui promotioni Orthodoxae Fidei obstaculo esse possent, propius solerter invigilent, ac denique procurandae animarum Saluti magis, et facilius intenti esse possint; ac ideo pro Summo illo Jure Patronatus, quod qua Apostolica Regina Hungáriáé in conferendis, et pro ratione Necessitatis, ac utilitatis publicae regulandis Dioecesibus optimo Jure habere, et exercere dignoscimur, praeattactos Episcopatus Jaurinensem, Veszprimiensem, et in parte etiam Zagrabiensem, dividendos, et e Limitibus eorundem in remotioribus quippe Comitatibus et Districtibus praeter alium novum Episcopatum Albaregalensem, SABARIENSEM quoque in Oppido Privilegiato Sabariensi distinctam Sedem Episcopalem, et Dioecesim suis Limitibus circumscriptam cum sufficienti Dote benigne constituere, ac una CATHEDRALEM illic Ecclesiam, ac praeterea ad rationem novae hujus Dioecesis Sabariensis penes Universitatem Nostram Regiam in Generali Clericorum Seminario Numero Quatuordecim Clericos, Studia sua prosecuturos, praeter illos Numero Sedecim Clericos in Seminario Jaurinensi ex propria illius Seminarii Fundatione cum reliquis Dioecesis Jaurinensis Clericis intertenendos fundare benigne visum Nobis fuerit. Hinc praemissum in finem, tam videlicet pro Dote Cathedralis Ecclesiae, et intertenendis in Seminario Generali Quatuordecim Clericis, quam et ex eo, quod supererit, pro Deficientibus Parochis, aliisque Dioesesis hujus Sabariensis Necessitatibus explendis Dominium Nyúl, in Comitatibus Jaurinensi, ac respective Veszprimiensi situm, hactenus per Episcopatum Veszprimiensem possessum, Decimas praeterea ex eodem Dominio per eundem Episcopatum perceptas, simul cum cunctis Appertinentiis, Possessionibus, et Praediis, nec non Terris arabilibus cultis, et incultis, Agris, Pratis, Pascuis, Campis, Foenetis, Hortis, Pomariis, Sylvis, Nemoribus, Dumetis, Virgultis, Extirpaturis, Montibus, Collibus, Vallibus, Vineis, et earum Promontoriis, Fluviis, Aquis, Piscinis, Piscaturis, Pisciumve Clausuris, et Aquarum Decursibus, Molendinis, et eorundem Locis, 488
