Géfin Gyula (szerk.): A szombathelyi egyházmegye története I. 1777-1928 (Szombathely, 1929)
Függelék
ter Doctrinam Religionis, quam Psittacorum more recitant, nulla alia Pietatis Exercitia practicare assvescunt: dum denique Scholas terminantes, in amplectendo statu Ecclesiastico, aut Religioso fines duntaxat temporales sibi praefigunt, et annum Novitiatus plerumque non in solo Spiritus praeparatione transigunt, verum aliis quoque occupantur: mirum videri non potest, quod ista Religiosi, et Sacerdotalis Spiritus relaxatio inducta sit. — Demissa mea opinione multum ad restituendum pristinum fervorem conferret, si in Scholis Sodalitia Beatissimae Virginis cum adnexis olim pietatis exercitiis restaurarentur: ipsa profecto Magnae Matris Protectio, et Intercessio: efficax adversus Scholasticae Iuventutis dissolutionem remedium praeberet, et Iuventus haec postmodum in Novitiatu solis Spiritualibus ad praesignatum finem deservientibus exercitiis vacans, longe efficacius ad vitae Sacerdotalis, et Religiosae continuam observantiam perduceretur. — Ex eo porro, quod tenore supradictarum Gratiosarum Praesidialium, etiam in genere moralitati, et bono Ordini respectu Dioecesani mei Cleri invigilare jubear, conjicere mihi licuit: non solos Praemonstratenses, sed et Clerum meum Ecclesiasticum de Immoralitate, et excessibus: me vero de quadam conniventia, et neglectu muneris mei, apud Suam Majestatem Sacrmam insimulatos esse; quo in Puncto, si Delator ipsos excessus, et crimina meorum in specifico notasset, distinctius forsitan Celsitudinem Vam desuper informare valerem; in genere nihilominus sequentem demissam declarationem meam substerno. — Negare haud possum, inter tercenta, et ultra Cleri mei Dioecesani Individua reperiri aliquos (cum et inter duodecim Apostolos unus Proditor inventus fuerit) qui ad quosdam excessus prolabuntur ita, ut quandoque Scandalum Parochianorum sequi necesse sit; affirmare attamen audeo: potiori ex parte Parochos, et Curatos Dioecesis hujus spectata tam exemplaris vitae ratione, quam et sedula muneris sibi incumbentis executione, inculpabiles esse. Intuitu aliquorum a recto tramite aberrantium, Reflexiones meas, supra de Religiosis expositas iterare praesumo; generalem videlicet saeculo hoc vigentem morum corruptelam ad ipsos quoque Status Sacerdotalis homines extensam haberi. Verum relate ad excessuosos hujusmodi positive conniventem me fuisse, vel positivo quodam Officii Episcopalis neglectu ansam 421
