Vecsey Lajos: A kőszegi róm. kat. Kelcz-Adelffy Árvaház története 1741-1941 - A Szombathelyi Egyházmegye múltjából 1. (Szombathely, 1943)

Függelék

Függelék.

i.

1741. augusztus 14. Pozsony.

A kőszegi árvaház alapításának királyi megerősítése ►

Országos Levéltár. Fund. Lad. B. Fasc. 19,

Maria Theresia Dei Gratia Regina Hungáriáé, Bohemiae, Dalmatiae, Croatiae, et Sclavoniae, Archi-Dux Austriae etc.: Nupta Dux Lotharingiae, ac Barri, Magna Dux Hetruriae.

Prudentes, ac Circumspecti Fideles Nobis dilecti. Ex demissa Repraesentatione Vestra benigne intelleximus, quibusnam ex rationibus, atque motivis ex Merci-Potu, occasione divenditionis Domorum, et Fundorum Civilium inter Emptores, et Venditores in hac Civitate a proportione Summae Emptitiae pactari solito, unam partem pro fundo ad Comparandam Domum pro miseris, et Parentibus orbatis, mediisque destitutis Pupillis, et Orphanis necessario applicandam, non obstante etiam nonnullorum de communitate contradictione determinaveritis, hocque pium Institutum accedente benigna Approbatione Nostra Regia ulterius quoque continuare cupiatis; Quam determinationem itaque Vestram, velut piam, et Salutarem, siquidem ea benigna cum modificatione: ut ex ejusmodi Mercipotu una rata Medietas praemissum in finem conservetur, et sub onere dandarum eatenus Rationum fideliter convertatur, et impendatur, clementer approbassemus.

Igitur Vobis benigne committendum esse duximus, quatenus laudabile hocce Institutum praemisso modo ulterius quoque fideliter continuare, imo quantum fieri potest etiam plures similes innocentes Fundos conquirere et praemissum in finem applicare, singularem vero, et fidelem, ne talismodi proventus aliorsum convertantur, curam et vigilantiam habere debeatis, et teneamini. In reliquo Gratia Nostra Regia Vobis benigne propensae manemus. Datum in Arce Nostra Regia Posoniensi, die decima quarta Mensis Augusti Anno Domini Millesimo, septingentesimo quadragesimo primo. Maria Theresia m. p.

Comes Ludovicus de Batthyan m. p. Petrus Végh m, p.

477