A Szombathelyi Egyházmegye részére az 1948. évben kibocsátott körlevelek (Szombathely, 1949)
- 42 — 2. in omnes autem Sodalitates opera apostolica in suo territorio exercentes illa potestate frui a sacris canonibus legitimisque statutis dioecesanis eidem concessa ad rectam externi apostolatus ordinationem. VII. Cuiuslibet Sodalitatis Marianae moderator legitime renuntiatus, qui quidem semper sacerdotali dignitate insignitus sit oportet, quamquam legitimis Superioribus ecclesiasticis omnino subicitur, tamen, ad normam Regularum Communium, in ipsa Congregationis vita interna plena fruetur potestate, quam plerumque per sodales sibi muneris adiutores adscitos exercere convenit. VIII. Huiusmodi Sodalitates dicendae sunt Marianae, non tantum quod а В. V. Maria titulum assumant, sed quod potissimum sodales singuli erga Deiparam pietatem singularem profiteantur eique plena consecratione devinciantur, qua spondeant, licet non sub peccato, se omni ope pro sua aliorumque christiana perfectione ac salute sempiterna sub B. M. Virginis vexillo pugnaturos qua quidem consecratione perpetuo sodalis B. M. Virgini obligatur, nisi indignus dimittatur aut animi levitate ipsémét Sodalitatem deserat. IX. In sodalibus conscribendis ii sedulo deligantur qui vulgari ac trito vitae genere minime contenti studeant vel arduas „ascensiones in corde suo disponere" (cfr. Ps. 83, 6) secundum asceticas normas ac pietatis exercitii in Regulis proposita. X. Congregationum Marialium proinde est sodales, pro cuiusque conditione, ita instituere, ut possint aequalibus in exemplum christianae vitae atque apostolicae navitatis proponi. XI. Inter primarios Congretionum fines habendus est apostolatus omnimodus, socialis praesertim, pro Christi regno propagando Ecclesiaeque iuribus defendendis, ab ipsa ecclesiastica Hierarchia eisdem demandatus: ad quam veram plenamque cum apostolatu hierarchico cooperationem praestandam propriae Sodalitatum normae ad huiusmodi cooperationis modos pertinentes nullatenus sunt variandae aut innovandae, XII. Denique, Congregationes Marianae eodem ordine, atque ceterae consociationes apostolicum finem prosequentes, sunt censendae, sive cum hisce sint foederatae sive cum ipso Actionis Catholicae coetu primario una simul cohaereant. Porro cum Sodalitates cuilibet alii consociationi debeant, sub sacrorum Pastorum ductu et potestate operam suam conferre atque industriam, necesse non est singulos sodales alii coetui etiam nomen dare. PIUS PP. XII. Decretum Ne temere, decessoris Nostri fel. rec. Pii X. jussu latum, statuerat (art. XI.) omnes in Ecclesia catholica baptizatos, etiamsi ab eadem postea defecissent, teneri ad servandam matrimonii formam in Concilio Tridentino definitam. Verum ne irrita evaderent matrimonia eorum, qui, ab acatholicis nati et in Ecclesia catholica baptizati, ab infantili aetate in haeresi vel schismate aut infidelitate vel sine ulla religione adolevissent, in Codice Juris Canonici statutum fuit huiusmodi baptizatos non teneri ad canonicam matrimonii formam servandam. At experientia triginta annorum satis docuit exemptionem a servanda canonica matrimonii forma, hujusmodi in Ecclesia catholica baptizatis concessam, bono animarum haud emolumento fuisse, immo in solutione casuum saepe saepius difficultates multiplicasse; quamobrem Nobis visum est expedire ut memorata exemptio revocetur. Et ideo Nos, auditis Emis ac Revmis Patribus Supremae S. Congregationis S. Officii, Motu Proprio ac de plenitudine Apostolicae potestatis, decernimus ac statuimus omnes in Ecclesia catholica baptizatos teneri ad canonicam matrimonii formam servandam; abrogamus itaque alterum comma paragraphi secundae can. 1099. et jubemus ut verba item ab acatholicis nati, etsi in Ecclesia catholica baptizati, qui ab infantili aetate in haeresi vel schismate aut infidelitate aut sine ulla religione adoleverunt quoties cum parte acatholica cortraxerint ex can. 1099. expungantur. Hac autem arrepta ocassione, Missionaries ceterosque sacerdotes admonemus ut iidem praescripta canonum 750—751 sancte servent. Mandamus igitur ut hae Litterae Apostolicae Motu Proprio datae in Acta Apostolicae Sedis referantur, ac statuimus ut, quae in iisdem jussa sunt, vim suam exerant a die 1. Januarii MCMXLIX. Contrariis quibuslibet non obstantibus, etiam peculiari mentione dignis. Datum ex Arce Gandulphi, prope Romam, die 1. mensis Augusti, in festo S. Petri in Vinculis, anno MCMXLIX, Pontificatus Nostri decimo. Pius PP. XII. 2747. sz. Motu Proprio Abrogatur alterum comma paragraphi secundae can. 1099. A Mediator Dei et hominum apostoli körlevél 107. pontjában Szentséges Atyánk kívánja, hogy létesüljön az egyházmegyében olyan tanács, amelynek célja a liturgikus apostolkodás terjesztése. Ezen tanács feladata segíteni a főpásztort, hogy az apostoli körlevél előírása szerint min-2748. sz. Liturgikus és egyházzenei tanács kinevezése.
