Püspöki körlevelek 1944 (Szombathely, 1945)

I

Nr. 2860/1944.

Sub secreto absolutissimo!

Facultates extraordinariae.

Omnibus Sacerdotibus Dioecesis Sabariensis et Apostolicae Administratur .e „Muravidék“ salutem in Domino se *, iternam!

i.

Vi facultatum extraordinariarum a SS-mj Dno Nostro Pio PP. XII. Ordinariis locorum territorii Regni Hungáriáé a Russico exercitu occupati, datarum, —• in casu tantum verae necessitatis, nempe si haec occupatio eveniat e' professio catholicae fidei ac cultus exercitium aspere praepediantur —• sequentes tribuimus facultates omnibus sacerdotibus utriusque Cleri intra ambitum Dioecesis et Ap. Adm. debentibus iis non exceptis, quando necessitas urgeat et impossibilis sit recursus ad proprium Ordinarium, qui ad alienam pertineant dioecesim vel alius sint ritus; iterum iterumque incx cando easdem facultates solummodo circumstantiis, de quibus supra, revera exsistentibus v alituras, graviter onerata super hac exsistentia sacrorum curionum conscientia.

CONCEDIMUS; 1) Missae celebrationem, etiam publicam, quatenus desint ecclesia vel oratorium, altare, sacra supellex;

— in quolibet decenti loco vel sub dio, quamvis desit petra sacra,

—• cum calice vitreo dummodo solido t , quatenus fieri potest, a quocumque profano usu secreto,

— cum duobus luminibus, si haberi pO' Inu, ex quacumque substantia confectis,

— absque praescriptis paramentis liturg cis, adhibitis tantum, si habeantur, super vestem talarem superpelliceo et stola,

— absque ministro vel ullo teste.

2) Si deficiat Liber Missalis et sacerdos preces memoria teneat, celebrationem Missae votivae de B. M. V. etiam in festis duplici jus primae et secundae classis, vel de Requiem, festis duplicibus primae et secundae classis tantum exceptis.

3) Omnibus sacerdotibus, ex gravissimis causis eisque urgentissimis, ut — servatis servandis — bis eodem die Sacrosanctum Missae Sacrificium celebrare queant.

4) Omnibus sacerdotibus, accedente vera necessitate, ut servatis servandis, eodem die, ter Sacrum litare valeant, diebus dominicis et festis de praecepto, tum in ecclesiis et oratoriis publicis et semipublicis, quum, si expediens fuerit, in ipsis privatis domibus, dum id exigat publicum fidelium bonum, remoto in his sacris peragendis quocumque scandali vel profanationis periculo,

5) Omnibus sacerdotibus Sacrosanctum Missae Sacrificium diebus dominicis ac festis de praecepto iterantibus, ut ipsi, inopiae causa, eleemosynam etiam pro altera Missa percipere possint.

6) Ut adhibeantur Olea Sacra etiam antiqua, non tamen ultra quattuor annos, dummodo corrupta non sint, et peracta omni diliß ntia, nova vel recentiora Olea Sacra haberi nequeant,

7) Omnibus sacerdotibus, ut calices et patenas cum oleis ab Episcopo benedictis consecrare valeant.

8) Parochis, vel aliiis sacerdotibus eorum vices gerentibus, facultatem benedicendi aquam baptismalem ea breviori formula, qua Missionariis Peruanis Paulus PP. III. uti concessit, quaeque in appendice ad Rituale Romanum legitur.

9) Omnibus sacerdotibus, ut functione:; Maioris Hebdomadae in privatis domibus seu Oratoriis peragere possint, iuxta ritum Benedic i PP. XIII.

10) Ut, cum necessitas postulaverit, Sacramentum Baptismatis sequenti formula, servatis quoad neliqua de iure servandis, administretur:

Sacerdos: ,,N. quid petis ab Ecclesia Dei?"

Patrinus: „Fidem."