Püspöki körlevelek 1939 (Szombathely, 1940)
X. 2169. sz Püspöki kinevezési bulla. Pius Episcopus Servus Servorum Dei, • venerabili fratri Joseph Grősz, Episcopo titulari Orthosiensi in Phoenicia, et Canonico Capituli Cathedralis Jaurinensis, electo episcopo Sabarinensi, salutem et apostolicam benedictionem. Commissum humilitati Nostrae ab Aeterno Pastorum Principe supremi apostolatus officium, quo universo christiano orbi praesidemus, onus Nobis imponit diligentissime curandi ut Ecclesiis omnibus tales praeficiantur Antistites, qui sibi creditum dominicum gregem salubriter pascere, regere et gubernare sciant ac valeant. Cum itaque Cathedralis Ecclesia Sabariensis, Metropolitanae Ecclesiae Strigoniensi suffraganea, suo Pastore sit in praesenti destituta, Nos, de venerabilium Fratrum Nostrorum S. R E. Cardinalium consilio, Tibi eam concredere statuimus. Apostolicae igitur Nostrae potestatis plenitudine, Te a vinculo episcopalis Ecclesiae Orthosiensis in Phoenicia, cuius titulum hucusque gessisti, absolvimus atque ad praefatam Ecclesiam Sabariensem transferimus eique episcopum praeficimus et Pastorem necnon eiusdem Ecclesiae curam, regimen et administrationem Tibi tum in spiritualibus tum in temporalibus plenarie committimus unacum omnibus juribus et privilegiis, oneribus et obligationibus pastorali huic officio inhaerentibus. Volumus autem ut, ceteris quoque impletis de iure servandis, antequam Dioecesis Tibi modo creditae canonicam capias possessionem, in manibus alicuius, quem malueris, catholici Antistitis, gratiam et communionem Sedis Apostolicae habentis, fidei catholicae professionem et praescripta iuramenta iuxta statas formulas emittere, harumque exemplaria Tui dictique antistitis subscriptione ac sigillo munita, ad S. Congregationem Consistorialem quantocius transmittere omnino tenearis. Volumus insuper ut Canonicatus, quem in Cathedrali Ecclesia Jaurinensi nunc obtines, per hanc tuam ad Cathedralem Sabariensem translationem ad iuris tramitem vacet et eiusque collatio Nobis et Sedi Apostolicae reservata maneat. Firmam autem spem fiduciamque concipimus fore ut dextera Domini Tibi assistente propitia, Ecclesia Sabariensis per tuam pastoralem sollicitudinem et studium fructuosum regatur utiliter ac maiora in dies in spiritualibus ac temporalibus suscipiat incrementa. Datum Romae apud S. Petrum anno Domini millesimo nongentesimo trigesimo nono die decima nona mensis Julii, Pontificatus Nostri anno primo. — L. S. Th. Pius Card. Boggiani m. p. Cancell. S. R. E. Can. Alfridus Liberati m. p. Cane. Apóst. Adiutor a studiis. Alfonsus Carinci m. p. Prot. Ap. Alfridus Vitali Grot: Ap: Part: Expedita die undecima mensis Augusti anno primo. Pro Plumbatore. Angelus Pencoli m. p. 2170. sz Főpásztori szózat a papságho: Grato animo recipio testimonia venerationis vestrae et amoris vestri. Scio ea quae ab Illus- i trissimo Domino Praeposito Majore Venerabilis Capituli meoque Vicario carissimo nomine omnium z vestrum totiusque cleri almae dioecesis Sabariensis nihi solemni hac occasione dicta et promissa sunt, non esse inania verba. Decursu enim annorum, quos qua administrator apostolicus vobiscum transegi, cognovi spiritum vestrum vere ecclesiasticum, vestrum zelum vestramque adhaesionem ad supremum vestrum pastorem. Quae onera mihi, dioecesis hujus episcopo imposita sint, bene nostis. Conscius infirmitatis meae spem et fiduciam meam in eo repono, qui ,,quae stulta sunt mundi, elegit ut confundat sapientes et quae infirma sunt elegit, ut confundat fortia et ea quae non sunt, ut ea, quae sunt destrueret“. Et confido etiam in vobis, quos mihi Dominus adjutores dedit laborum meorum. Advenerunt tempora, de quibus apostolus locutus est scribens ad Timotheum: ,,Erit tempus, cum sanam doctrinam non sustinebunt, sed ad sua desideria coacervabunt sibi magistros, prurientes auribus, et a veritate quidem auditum avertent, ad fabulas autem convertentur". Attendite, ne eveniat, quod idem apostolus de Ecclesia Ephesina praedexit: „Et ex vobis ipsis exsurgent viri T
