Püspöki körlevelek 1913 (Szombathely, 1914)
''V f/3 »íi I í, i i . * i • 4 XIII. Occasione visitationis sacrorum liminum nuper peractae sequentes Suae Sanctitati obtuli preces : »N. 2igi/gi3. Beatissime Pater! Ordinarius Sabariensis ad effectum aedificandi Seminarii maioris rogat, ut Sanctitas Vestra benigne concedere dignetur, quod parochi in diebus Dominicis et festis stipendium missae acceptare, item sacerdotes, qui hincinde propter necessitatem populi, diebus suprafatis binare debent, pro binationis missa item stipendium sumere queant, idque pro fabrica seminarii maioris Ordinario transmittere valeant et hoc quidem eousque, dum fabrica huius Seminarii titulo aedificationis aere alieno gravetur. In osculo Ss. Pedum profundissimo cum venerationis et obsequii cultu persisto Sanctitatis Vestrae Sabariae, die ii.-a április a. D. igi3- humilimus in Christo servus et filius : Joannes Mikes episcopus Sabariensis. L. S.« Quibus Sanctissimus Dominus Noster precibus sibi summa humilitate oblatis benignissimum subiunxit manu propria rescriptum, uti sequitur : „ Ut Parochi per quadraginta dies Dominicos et festos quotannis usque ad operis perfectionem Missam celebrent pro offerentibus et stipem tradant Episcopo, benigne in Domino indulgemus. Quoad Presbyteros binantes vero iuxta preces. Die 5. Maii 1913. Pius PP. X.“ Vigore huius facultatis paterno revera erga nos affectu concessae rogo omnes Parochos et Parochiarum Administratores Dioecesis meae, ut singuli, simulatque has receperint litteras, consignationem quadraginta dierum huius anni Dominicarum et festorum, quibus missam pro offerentibus celebraturi sunt, accuratam ducere incipiant et stipem ab offerentibus acceptam in emolumentum Seminarii aedificandi seponant atque summam, persolutis quadraginta sacris, saltem ad finem huius anni una cum consignatione dierum, quibus eas persolverunt, mihi transmittant. Non est necesse, Dilectissimi Fratres, ut Vos huius rei gravitatem fusius edoceam. Utar etenim opportuna temporis occasione, ut Vobis mentem intentionemque meam aedificandi novi clericorum seminarii paterna caritate intimem atque commendem. Pro hac occasione sufficiat dixisse id, quod hisce in litteris in antecessum Vobis communicavi, et notasse, si quis Vestrum dictis quadraginta diebus stipe a suis fidelibus oblata vel offerenda careret, ad officium Dioecesanum recurrat intentionesque sibi necessarias assignandas procurare non omittat. Supradictis etiam quoad sacerdotes binantes valituris. 3 Nr. 2gig Stipendia 40 missarum »pro populo« et binantium in finem Seminarii indulgentur.
