Püspöki körlevelek 1913 (Szombathely, 1914)
VII Primo vere iuxta decretum Ss. Patris Pii P. X. dd. 31. Decembris a. igog Limina Apostolorum visitaturus sum ad homagium successori b. Petri praestandum atque rationem de statu dioecesis reddendam. Decreto isto super relatione dioecesana et visitatione ss. Liminum novus ordo adiectus est, qui normas continet, iuxta quas relatio conficienda sit. Salutares ex huiusmodi normis directiones elucent. Nam quaestiones ibi proponuntur ad omnigena vitae religiosae et socialis necessitates necnon media et impedimenta semet extendentes. Quae dum S. Apostolicae Sedis mentem et principia in Ecclesia regenda manifestant, secundum quae vitam suam quisque componere debeat, simul monitorum instar quid agendum sit, non solum acriter urgent, sed etiam num acta fuerint, severissime scrutantur. Ardenter itaque, Venerabiles Fratres, exopto, ut ordinem hunc servandum et pluribus ex rationibus Hungarico idiomate adnexum diligenter relegatis. Singulas quaestiones perpendere, illarum normas ad conscientias vestras applicare et pro futuro quasi vivendi regulas prae oculis habere non omittatis. Imo quae populum fidelem attinent (c. XI.) apto tempore ut salutare sermonis sacri thema adhibeatis. Quum vero in visitatione ss. Liminum etiam subsidium caritativum S. Sedi Apostolicae offerre intendo, volo, ut huiusmodi eleemosynae s. missionibus sustentandis destinatae tum clerus tum populus Christianus filiali cum devotione particeps fieri pro pietate habeat. Itaque volumus, ut Dominica Passionis a. c. ubique in ecclesiis exhortationes fiant, quibus finis obulorum S. Petri exponatur, fideles vero admoneantur, ut huic eleemosynae etiam sua ex parte optimo quo valeant modo et libenti animo contribuere non cunctentur Quas eleemosynas praecipue illis in parochiis, ex quibus pro s. missionibus aut nullae, aut exiguae hucusque porrigebantur eleemosynae, uberius colligi volumus. Collectiones pro isto fine usque ad 31. Martii officio nostro mittantur. Curatores animarum vero admonemus, ut breviter et succincte usque ad 15. Martii secundum ordinem adnexum scriptis respondeant ad quaestiones prout sequuntur : 6g. 73. 74. 77. 7g —81. 114—124. 131. 134. 138. Equidem ex vestris responsis atque propria experientia relationem iuxta conscientiae dictamen de statu dioecesis conficiam. Utinam Vicario Jesu Christi laetum affere valeam nuntium ; et quod maius est, aeternus iudex, cui omnia nuda sunt et aperta, quique etiam corda scrutatur et renes, relationem meam ratam approbatamque habere velit. Sit igitur praeparatio conficiendae relationis fons instaurationis nostrae in Christo, ut ratione reddita benedictionem Apostolicam Ss. Patris vobis ad confirmanda proposita impertiri valeam. Nr. I2g3. Visitatio Ss. Liminum.
