Püspöki körlevelek 1913 (Szombathely, 1914)
Sanctissimus Dominus Noster, Pius PP. X, Pontifex Maximus in Constitutione Apostolica de Sanctissima Eucharistia promiscuo ritu sumenda die 14. mensis Septembris, a. D. igi2. edita sequentia de Apostolicae potestatis plenitudine satutit et sancivit: I. Sacris promiscuo ritu operari sacerdotibus ne liceat: propterea suae quisque Ecclesiae ritu Sacramentum Corporis Domini conficiant et ministrent. II. Ubi necessitas urgeat, nec sacerdos diversi ritus adsit, licebit sacerdoti orientali, qui fermentato utitur, ministrare Eucharistiam consecratam in azymo, vicissim latino aut orientali qui utitur azymo, ministrare in fermentato ; at suum quisque ritum ministrandi servabit. III. Omnibus fidelibus cuiusvis ritus datur facultas, ut, pietatis causa, Sacramentum Eucharisticum quolibet ritu confectum suscipiat. IV. Quisque fidelium praecepto Communionis paschalis ita sastisfaciet, si eam suo ritu accipiat et quidem a parocho suo cui sane in ceteris obeundis religiosis officiis addictus manebit. V. Sanctum Viaticum moribundis ritu proprio de manibus proprii parochi accipiendum est: sed urgente necessitate, fas esto a secerdote qolibet illud accipere ; qui tamen ritu suo ministrabit. VI. Unusquisque in nativo ritu permanebit, etiamsi consuetudinem diu tenuerit communicandi ritu alieno; neque ulli detur facultas mutandi ritus, nisi cui iustae et legitimae suffragentur causae, de quibus Sacrum _ Consilium Fidei Propagandae pro negotiis Orientalium iudicabit. In his vero causis numeranda non erit consuetudo quamvis diulurna ritu alieno communicandi. Quaecumque autem his litteris decernimus, constituimus, declaramus, ab omnibus ad quos pertinet inviolabiliter servari volumus et mandamus, nec ea notari, in controversiam vocari, infringi posse, ex quavis, licet privilegiata causa colore et nomine ; sed plenarios et integros effectus suos habere, non obstantibus Apostolicis, etiam in generalibus ac provincialibus conciliis editis, constitutionibus, nec non quibusvis etiam confirmatione Apostolica vel quavis alia firmitate roboratis, statutis consuetudinibus ac praescriptionibus ; quibus omnibus, perinde ac si de verbo ad verbum hisce litteris inserta essent, ad praemissorum effectum, specialiter et expresse derogamus et derogatum esse volumus, ceterisque in contrarium facientibus quibuslibet. — Volumus autem ut harum litterarum exemplis etiam impressis, manuque Notarii subsriptis et per constitutum in ecclesiastica dignitate virum suo sigillo munitis, eadem habeatur fides, quae praesentibus hisce litteris ostensis haberetur. Datum Romae apud S. Petrum, anno Incarnationis Dominicae millesimo nongentesimo duodecimo, in festo Exaltationis S. Crucis, XVIII. Kalendas octobres, Pontificatus Nostri anno decimo. — A. Cardinalis Agliardi, S. R. E. Cancellarius. — Fr. H. M. Cardinalis Gotti, S. C. de Propaganda Pide Praefectus. — Visa M. Riggi, C. A. Not. Nr. 286. Constitutio Apostolica de sanctissima Eucharistia promiscuo ritu sumenda. Cum omnes catholicos Ecclesia materno studio complectatur, tum peculiari quadam sollicitudine caritatis eos prosequitur, qui, ut victum labore quaerant, aut meliorem sibi fortunam comparent, relicto natali solio in longinqua migrant, ubi saepius eis timendum est, ne, dum mortalis vitae rationibus prospiciunt, lamentabilem sempiternae Nr. 287. Motu Proprio de catholicorum in exteras regiones emigratione.
