Püspöki körlevelek 1892 (Szombathely, 1893)
8 2384 sz. Decretum S. Congreg. Supr. Inquisitionis circa probationem obitus alicuius conjugis. demus studia tam pie et benevole incensa, potius quam gratulationes et laudes, summas Deo optime grates precesque et vota magnopere expectamus; maxime laetati si hoc Nobis impetrent, ut quantum virium et vitae supersit, quantum resideat auctoritatis et gratiae, tantum Ecclesiae omnino accidat salutare, in primis ad infensos et devios, quos iamdudum vox Nostra invitat, reducendos reconciliandos. Omnibus autem dilectissimis filiis, ex proxima, Deo donante faustitate et laetitia Nostra, iustitiae, pacis, prosperitatis, sanctimoniae, bonorum omnium affluant munera: hoc paterna caritate a Deo adprecamur, hoc eloquiis eius commonemus : Obaudite me ... et quasi rosa plantata super rivos aquarum fructificate: quasi Libanus odorem suavitatis habete. Florete flores quasi lilium, et date odorem et frondete in gratiam, et collaudate canticum et benedicite (Dominum in operibus suis. (Date nomini eius magnificen= tiam, et confitemini illi in voce labiorum vestrorum et in canticis et citharis . . . in omni corde et ore collaudate et benedicite nomen Domini. ‘) Quibus consiliis et optatis si forte illuserint nefarii homines, qui quaecumque ignorant, blasphemant, parcat illis clementer Deus ; ut ipse autem propitius, exorante sacratissimi Rosarii Regina, obsecundet, habete auspicium, Venerabiles Fratres, idemque pignus benevolentiae Nostrae, Apostolicam benedictionem, quam singulis vobis et clero populoque vestro peramanter in Domino impertimur. Datum Romae apud S. Petrum die VIII. Septembris anno MDCCCXCII, Pontificatus Nostri quintodecimo. LEO PP. XIII. S. Congregatio Inquisitionis circa probationem obitus alicujus conjugis ddto 6. Maii 1891 edidit novum decretum, quod cum Venerabili Clero Dioecesano hisce communico: Beatissime Pater! Humiliter expetitur interpretatio authentica Instructionis S. Congregationis de Propaganda Fide a. 1883. De Judiciis ecclesiasticis Art. IV. De impedimento ligaminis §. 43. quoad passum : „Quodsi de matrimonio contrahendo agatur, hoc permitti numquam poterit, donec de morte prioris cuniugis certo constiterit.“ Status quaestionis. Coram tribunali ecclesiastico Curiae N. duae causae agebantur ad hunc effectum, ut vir, qui ante 30—38 annos evanuit nec de eo habetur notitia ulla, pro mortuo declaretur et ut parti derelictae fas sit II. nuptias inire. Iudex I. instantiae, processu in forma confecto, nec unum quidem testem certum de morte coniugis adduxit, nihilominus obitum ex coniecturis, indiciis, edictalibus, diuturna absentia tot annorum certo probatum iuridice praesumpsit et parti accusanti libertatem dedit ad matrimonium II. coram ecclesia contrahendum, quod iam civiliter initum erat et proles suscepta. Iudex in appellatorio simpliciter sententiam reiecit, deducens hic esse casum de matrimonio contrahendo, ideoque nunquam permittitur convolatio ad II. nuptias nisi certo i. e. per documenta, testes de morte prioris coniugis constiterit; praesum-1) Eccli XXXIX, 17- 20, 41.
