Püspöki körlevelek 1891 (Szombathely, 1892)

Rmme Domine uti Frater,

Sanctissimus Dominus Noster LEO PAPA XIII. pro apostolica Sua sollicitudine Litteras die XX mensis elapsi datas mittere dignatus est ad Emmum et Rmmum Dnnum Augustinum Bausa. Archiepiscopum Florentinum super cultu Sacrae Familiae exhibendo, praecipiens ut huiusmodi Litterae cunctis Rmmis Dioecesium Ordinariis communicarentur.

Mandato itaque Summi Pontificis obtemperans, Sacra Rituum Congregatio ad Amplitudinem Tuam exemplar earumden Litterarum transmittit, additis simul duabus precum formulis, iubente atque adprobante Ipsa Sanctitate Sua, editis, scilicet Consecrationis familiarum Sacrae Familiae, et Orationis ante venerandam Illius imaginem quotidie ab ipsis recitandae.

Interim Amplitudini Tuae cuncta a Domino fausta ex animo adprecor.

Amplitudinis Tuae

Romae die 10 Decembris 1890.

Uti Frater

1006. sz.

Litterae Apostolicae de cultu peculiari Sacrae Familiae

CAIET. Card. ALOIS1-MASELLA, S. R. C. Praefectus.

Vincentius Nussi, Secretarius.

Rrnmo Domino uti Fratri Episcopo.

LITTERAE

SS. D. N. LEONIS PP. XIII

AD CARDINALEM BAUSA

ARCHIEPISCOPUM FLORENTINUM,

DILECTE FILI NOSTER,

SALUTEM ET APOSTOL1CAM BENEDICTIONEM.

Novum argumentum perspecti tui erga hanc Apostolicam Sedem studii et obsequii prodiderunt litterae Augusto mense exeunte ad Nos datae, quibus vota Nobis significasti plurium fidelium, ut veneratio quae Christo Domino ac Matri Virgini et

IV.