Püspöki körlevelek 1858 (Szombathely, 1859)
Ea hic loci et jam in pluribus Dioecesibus peraccommoda praxis inducta est, ut probatae fidelitatis personis Sodalitio addictis tamquam Collectoribus tribuantur folia impressa, qualium perinde unum exemplum adjacet. Tales personae inter suos familiares facile invenient alias decem, quae Sodalitio huic nomen dent symbolasque suas sive menstrue sive annue Collectori concredant, illi folio inferendas et periodice animarum Curatori resignandas, ac tandem sub finem anni Officio dioecesano transmittendas. Nec deerunt inter has decem personas, quae amore pii scopi sodalitio praestituti curam assumant idem associationis opus inter totidem alios devotos fideles promovendi. Haec methodus, in pluribus aliis similibus Institutis usitata, localibus animarum Curatoribus fatigia notabiliter imminuere videtur. Contemporanee Centrale Collegium Reverendissimo Ordinariatui demisse insinuandi honorem habet; quod idem relate ad quantitatem piarum symbolarum paragraphum quartum suorum Statutorum cum positiva approbatione Eminentissimi Domini Protectoris, D. Cardinalis a Rauscher ddto. 10. Novembris 1858 Nro. 1758—P ita modificaverit: ut quantitas haec omnino liberae voluntati cujusque Christifidelis committatur. Fiet hoc modo, ut classis quoque hominum minus habentium praeattactas Concessiones apostolicas participare valeat. — Collegium isthoc Centrale quotannis succinctam Relationem de effectibus per succursum hujus Sodalitii in partibus Orientis procuratis cum Rationum conspectu, et quidem in principaliores hujus Imperii lingvas Iraductam, typis evulgabit; unde quodvis Sodalitii membrum exactam perceptorum et erogatorum notitiam capere poterit. Etsi quidem memoratum Sodalitium ad praesens in primis solum initiis versetur, ut adeo experientia nonnisi unius semestris gloriari queat, haec ipsa nihilominus laete confirmat gratissimam acceptationem erecti hujus pii ac benefici Instituti non secus ac operosissimam succollationem saluberrimi finis ipsi praefixi in cunctis Dioecesibus, ubi fideli populo datum fuit in talis erectionis notitiam pervenire. Subventiones profecto ex pluribus Dioecesibus isthuc transmissae non aequant solum, sed et superant omnem exspectationem : una autem spem faciunt certam, ut post publicatam Pontificiam dicti Sodalitii Confirmationem et amplissimarum Indulgentiarum concessionem reliquae perinde Dioeceses ad opus tam salutare pro viribus promovendum concurrere velint, cujus utpote uberrimi benedicente Deo fructus in grande S. Religionis ac Ecclesiae catholicae emolumentum redundabunt. Viennae die 12. Novembris 1858. Dr. Friedr. de Hurter, S. C. et R. A. Majest. Consiliarius, Imperii Historiographus et Central. Collég, pro Sodalitio Immacul. Concept. Praeses. Restat adhuc, ut adjungens./■ folium, in quo et membra, et annua membrorum oblata consignanda erunt, omnes Parochos et Parochiarum Administratores in Domino horter: quatenus Sodalitium inter suos promovere, fovere, atque annue cum tine Februarii de statu Sodalitii referre, nec non oblata ad Officium meum Dioecesanutn mittere, atque sic ad incrementum S. Matris Ecclesiae cooperari adnitantur. Rescriptum S. Congregationis Negotiis Ecclesiasticis Extraordinariis Praepositae DD. Vestris ea cum inviatione communico, ut ejus tenori obsequenter in casu mixtorum matrimoniorum, dum conditionibus ab Ecclesia praescriptis conformiter cautum est de amovendo a catholico conjuge perversionis periculo, deque conversione conjugis acatholici ab ipso pro viribus curanda, ac de universa prole utriusque sexus in catholicae religionis sanctitate omnino educanda; — Parochus aut Administrator sponsorum matrimonium tale Ordinariatui insinuans, dispensationem super inpedimento mixtae religionis petat, quae virtute Apostolicae Delegationis pauperibus omnino gratis, aliis vero erga moderatam 4. flor. Val. Auslr. laxam concedetur. Matrimonia, quae neglectis Ecclesiae conditionibus contrahi intenduntur, semper illicita manere, et quoad talia dispensari nequire, non est, quod moneamus. Rescriptum est sequens. Beatissime Pater! Franciscus Szenczy, Episcopus Sabariensis ad pedes Sanctitatis Vestrae provolutus, humiliter exponit in sua Dioecesi esse quadraginta tria millia acatholicorum, qui partim Augustanam partim Helveticam Confessionem profitentur, dispersos inter fideles Catholicos viventes, quapropter frequens est horum cum illis in vita quotidiana commercium, unde fit, ut matrimonium etiam inter se contrahant, quin Parochis Catholicis succedat eadem, licet omni adhibita diligentia, inpedire; cogi imo vero similia connubian. velut malum minus ad evitanda mala majora tolerare. Cum matrimonia, quae Catholicos inter et aeatholicos contrahuntur, semper ; ac proinde etiam tunc illicita sint, si fides partis catholicae nulli perversionis periculo exponatur, et simul prolium quoque omnium in catholica religione educatio spondeatur, cum proin matrimonia mixta nonnisi, tunc licite iniri possint, si subversans eorum intuitu vetitum Ecclesiae dispensatione mediante tollatur; tandem cum jus dispensationem hanc elargiendi nonnisi Sanctitati Vestrae competat, Episcopus Orator vero propter frequentiam ejusmodi matrimoniorum in singulis casibus pro
