Püspöki körlevelek 1858 (Szombathely, 1859)
Datum Sabariae die 18-a Decembris 1858. Nro. 2410. E. XIV. In nexu eorum, quae in litteris pastoralibus ddto Festi Purificationis B. M. V. a. 1. pag. 5, relate ad Consociationem de Immaculata B. Mariae Y. Conceptione leguntur, publico Breve Suae Sanctitatis, quo mediante Beatissimus Pater Pius IX. Sodalitium dictum confirmare, ejusque membris largas indulgentias concedere dignabatur. AU PERPETUAM REI MEMORIAM. Cum, sicuti renunciatum est Nobis, Vindobonae in Austria pium Sodalitium sub patrocinio Mariae Virginis Deiparae sine originali labe Conceptae ad Catholicum nomen per Orientem praesertim propagandum, illudque coelesti ope jugibus precibus implorata per eas regiones sospitandum, tuendum, canonice constiterit; Nos ut Sodalitium hujusmodi majora in dies, juvante Deo, suscipiat incrementa; de Omnipotentis Dei misericordia ac BB. Petri et Pauli App. ejus auctoritate confisi, omnibus et singulis Christi fidelibus, qui Sodalitio hujusmodi nomen dederint suum, quo die primum in illud cooptati fuerint, et die respective anniversario, si vere poenitentes et confessi ac S. Communione refecti fuerint, quo die praedictorum id egerint, Plenariam: ac tam adscriptis quam pro tempore adscribendis eidem. Sodalitio Christifidelibus in cujuslibet eorum mortis articulo, si vere quoque poenitentes et confessi ac S. Communione refecti, vel quatenus id facere nequiverint, saltem contriti Nomen Jesu ore, si potuerint, sin minus corde devoto invocaverint, etiam Plenariam : nec non eisdem nunc et pro tempore existenlibus e memorato Sodalitio Christifidelibus vere pariter poenitentibus et confessis ac S. Communione refectis, qui aut propriam Sodalitii Ecclesiam, aut respectivam Parochialem festivitate titulari Conceptionis Immacuculatae Deiparae Virginis Mariae a primis vesperis usque ad occasum solis diei hujusmodi singulis annis devote visitaverint, ibique pro Christianorum Principum concordia, haeresum exstirpatione, ac S. Matris Ecclesiae exaltatione pias ad Deum preces effuderint, Plenariam similiter omnium peccatorum suorum Indulgentiam et remissionem misericorditer in Domino concedimus. Praeterea dictis Sodalibus, qui pietatis opera, quae modo recensuimus, quatuor per annum festis diebus, eorundem Sodalium arbitrio eligendis et per Ordinarium adprobandis, corde saltem contriti cum Domino praestiterint, septem annos, totidemque quadragenas: quotiescumque vero quodlibet pium opus ex instituto persolverint, dummodo cordo item contriti, ut moris est, oraverint, sexaginta dies de injunctis eis seu alias quomodolibet debitis poenitentiis in forma Ecclesiae consueta relaxamus. Quas omnes et singulas Indulgentias, peccatorum remissiones, ac poenitentiarum relaxationes etiam Animabus Christifidelium, quae Deo in charitate conjunctae ab hac luce migraverint, per modum suffragii applicari posse impertimus. In contrarium facientibus non obstantibus quibuscumque. Praesentibus perpetuis futuris temporibus valituris. Datum Romae apud S. Petrum sub annulo Piscatoris die XXV. Junii MDCCCLVIII. Pontificatus Nostri Anno Decimotertio. Pro Dno. Card. Macchi (E. S.) Jo. B. Brancaleoni Castellani m. p. Brevi huic Pontificio subnecto litteras, quas Sodalitii Praesidium ad Ordinariatum hujatem dedit: Reverendissime Ordinarlatus! Pium Sodalitium sub Patrocinio Beatae Mariae Virginis sine labe originali Conceptae, cujus scopus est per pias precationes et opera eharitatis religiosis indigentiis Catholicorum in Oriente et praecipue in Ditionibus Ottomanicis efficacius subvenire, per benignam largitionem apostolicarum Indulgentiarum clementem sui Confirmationem a Sede Apostolica nuper non minus, quam anno superiore Caesaream a Summo Terrae Principe, obtinuit. Sane Pius IX. P. M. Ecclesiam Christi feliciter gubernans, pariter ac Franciscus Josephus I. Augustus Imperator noster dignanter recognovit momentum tam salutaris operis, quod Christiana fiducia in Deum sub Protectione Beatissimae Virginis Mariae susceptum est. Collegii hujus Centralis nunc interest, impetratas Concessiones apostolicas in publicum proferre, quo studia participationis illarum apud pios fideles, ut par est, accendantur. Quamobrem idem Centrale Collegium officio ducit Reverendissimo Ordinariatui tenores Brevis apostoliéi ddto. 25. Junii 1858 in authentica Copia illa cum humili supplicatione substernere: ut illi eum effectum et dicto Sodalitio illum progressum intra limites divinitus sibi creditae Dioecesis procurari facere dignaretur, qui spectatis localibus adjunctis maxime consentaneus et fideli populo salutaris Eidem Reverendissimo Ordinariatui videbitur.
