Püspöki körlevelek 1858 (Szombathely, 1859)
Datum Sabariae die 25-a Novembris 1858 » Nro. 2076. E. XIII. • Altissimae Resolutioni ddto. 3-ae Octobris a. c. obsequendo ac spiritui legum ecclesiasticarum inhaerendo sequentem ad DD. Vestras Instructionem eo addito dimitto: ut ejus tenori in administrandis Bonis ecclesiasticis inde a prima Aprilis a. f. 1859 semet conscientiose conforment, et duos viros idoneos in administratione eorundem bonorum partes habituros fine denominationis mihi usque 25-am Januarii a. f. 1859 quoad singulas ecclesias matres aeque ac filiales proponant. IIVSTIBiUCnO ad Ven. Clerum Dioecesis Sabariensis Curatum data super administrandis Bonis Ecclesiasticis. §. 1. Nomine bonorum Ecclesiasticorum hic loci intelligimus bona mobilia et immobilia, aliaque objecta, quibus vel quorum proventibus res sacrae procurantur, impensae cultus teguntur; ministri Ecclesiae aluntur; religiosus aliquis finis procuratur, aut opera charitatis exercentur. — Bona, quibus vel quorum proventibus res sacrae procurantur, conservantur, aut reparantur, dicimus Bona fabricae, quibus ministri ecclesiae aluntur, appellamus Bona mensae, quibus religiosus ' aliquis finis procuratur vel opera charitatis exercentur, passim fundationes piae audiunt. §. 2. Bonorum ecclesiasticorum administratio apud eos erit, ad quos secundum canones spectat. Concord, art. XXX. §. 3. Bona fabricae Ecclesiarum Parochialium principaliter administrabunt respeclivi Parochiarum Rectores (Parochi, Parochiarum Administratores) accitis in consortium etiam iis, qui ad impensas Ecclesiarum necessarias quidem, sed vires peculii sacri superantes concurrere tenentur; his accedent duo Individua e fidelium gremio seligenda. Omnes hi nomine Administrationis comprehenduntur. His positis: a) Praecipuum jus et officium administrandi bona fabricae concernentibus Parochis aut Administratoribus conferimus respective imponimus. b) Salvum relinquimus jus Ecclesiarum Patronis competens, quotenus aut immediate per se, aut mediate per Substitutos ad rectam administralionem concurrunt. c) Quoad Individua ex fidelibus in administrationem bonorum Ecclesiae matris assumenda committimus parochiarum Rectoribus, ut collatis cum catholicis Primoribus lotius Parochiae, quoad Individua in administrationem bonorum Ecclesiae filialis assumenda committimus iisdem Rectoribus, ut collatis cum catholicis Primoribus respectivae filialis Communitatis- quoad singulas ecclesias duos idoneos viros Nobis usque 25-am Januarii a. f. 1859 proponant, qui sint viri graves, integrorum morum, ac bene possessionali. d) Propositos, quos dotibus nunc recensitis pollere constabit, lubenter denominabimus, qui virtute Decreti nostra auctoritate expediendi in omnibus ad administranda bona Fabricae attinentibus negotiis partem habebunt in triennium; quo elapso aut iidem viri vel alii idonei proponi poterunt. Qui requisitis dotibus destitui labente triennio convincerentur, intra idem etiam triennium ab officio suo arcebuntur. §. 4. Ad administrationem bonorum fabricae recte procurandam opus est inventario, in quo bona Ecclesiae mobilia et immobilia accurate conscribantur oportet. §. 5. Pro conservando Ecclesiae aere in qualibet Parochia intuitu singularum ecclesiarum habeatur distincta cista duplici clave ita provisa, ut cistam clavis una citra alterius adminiculum reserare nequeat. Harum una apud Parochum, altera apud seniorem virorum a Nobis in consortium administrationis denominatorum asservetur. Cistam ipsam in loco sicco, et contra incendii periculum praemunito Parochus asservabit. §. 6. Fundos Ecclesiae immobiles, in quantum per Parochianos cultivandi sunt, Administratio per Parochianos sedulo excoli, fructus colligi, et pretio, quo poterit, maximo distrahi faciet; si fundi sumtibus Ecclesiae cultivandi forent, Administratio eosdem mediante auctione publica de regula in triennium et eo addito elocabit, ut summa arendatitia anticipative de medio anno in medium annum persolvatur. Contractum locationis pro debitae notitiae statu, si summa arendatitia annua 100 florenos Valutae Austriacae adaequaret, etiam pro ratihabitione — Nobis exhibendum constituimus. §. 7. Capitalia, aliudve aes Ecclesiae ex quotidianis sumtibus remanens, ne in arca absque fructu haereant; Administratio ad loca secura erga legalem censum et intabulationem sumtibus debitoris elocabit. Quis locus securus sit, Administratio caute definiet. Ne tamen Administrationis membra aes Ecclesiae respectivae mutuo levent, severe vetamus.
