Lackner Kristófnak, mindkét jog doktorának rövid önéletrajza; C sorozat 5. kötet - Sopron Város Történeti Forrásai (Sopron, 2008)

Lackner Kristófnak, mindkét jog doktorának rövid önéletrajza

Idem postea filium Rudolphum comite Lacknero Patavium misit Ubi Rudolphus feliciter in studiis progreditur Etiam Balthasarus Wagen filium Lacknero concredit [VIII.] Dimidio plus minus deinde anno transacto, de filiorum porro ablegandorum occasione et modo Parens coepit cogitare, Italiaeque plagas Patavinum locum longe celeberrimum studiorum gratia, filio maiori natu Rudolpho elegit, ad iterque necessaria praeparari curavit. Quibus omnibus confectis, praeparatis et in ordinem redactis, ipse Baro cum fratre arcis Cyllensis Praefecto filium comitati sunt, Deoque duce incolumes per mare e Triest, Venetias, licet adversis aliquamdiu fluctibus, omnes pervenerunt. Inde triduo post Patavinum, excellentissimum et antiquissimum locum, urbem omnium rerum copia multo florentissimam, aeris saluberrima temperie dotatam, annuentia et gratia Dei auspicata,

6 per mare usque Lucefusinum, inde per fluvium Brenta, consueta navi Barca adiverunt, inibi Matriculo nomina dedere; [p. 13.] de quibus et praefati Rudolphi a Sarau, Liberi Baronis, et Praeceptoris Christophori Testimonia, sub Germanicae nationis, ut moris est, sigillo, extant luculenter. Parens sic omnibus rite et ordine compositis, et sufficientibus relictis sumptibus, et disposita cambii commoditate, cum fratre discedens, filio valedixit. Et quia non studiorum causa modo, verum linguae Italicae quoque, aliarum nec non virtutum gratia, visum terras istas, filium Rudolphum miserat; idcirco in ambobus virtutum generibus adusque profecit, ut ab Italo vix dignosci potuerit. In studiis vero Iuridicis et Eloquentiae eo pervenit, ut qui rudis adhuc Paduam venerit, non erubuit publice, coram tot Comitibus, Baronibus, Nobilibus, Doctoribus, aliisque doctissimis viris opponere, deque iuridicis rebus disputare, et in arenam publicam, tantae universitatis, tot nobilium et doctissimorum virorum corona ornatam conscendere; nec sine laude Baro haec tentavit gloriave. His non contentus, in Musicis, Testudine, Instrumento, saltu, aliisque generoso animo dignis exercitiis corporis, multorum cum admiratione, vehementer et egregie profecit, et quod maius est, in picturis, delineationibus, et sculptura eo ingenii viribus pervenit, ut picta et cupro insculpta non dubitarit publicare, quae apud Christophorum Praeceptorem adhuc extant. Cursum hunc studiorum continuavit hic Lackhner cum Ba[p. 14.]rone a Sarau ad annum, et quia frequenter interim ad Parentes miserat litteras Baro, studiorumque argumenta (quae praefato Magnifico Viro Balthasaro Wagen a Parente, qui ipse illiteratus erat, ut plurimum tanquam vicino iudicii gratia et pro informatione transmissa) factum est, ut Dominus Balthasarus Wagen paulo post non dubitaverit filium suum Georgium Andream Patavium, fidei suae concredere, cuius progressus paulo post quia pariformiter sensisset, Egregium et Generosum Iuvenem Erasmum