Lackner Kristófnak, mindkét jog doktorának rövid önéletrajza; C sorozat 5. kötet - Sopron Város Történeti Forrásai (Sopron, 2008)

Lackner Kristófnak, mindkét jog doktorának rövid önéletrajza

mvitatus a Gabeltnanno Graecium se confert ad artificium hoc, Mechanicorum more et ritu, hunc filium suum solenniter, praesentibus Magistris aurifabris et aliis (quorum mentio in litteris Testimonialibus exstat) ad certum tempus adscripsit. Filius postmodum tanto studio, tanta assiduitate in hoc fabrili opere perseveravit, ut spacio [!] unius anni (vidit enim multa Patre vivo et domi existens, quae omnia tandem ad hoc opus profuere), ut eos, qui illum instituere conabantur, mul[p. 7.]tis modis superaverit: immo quae ipse sculpsit, caelavit ornavitque, illico aut depinxere, aut observavere alii. Quos progressus quia vidit Parens, et lumen iudicii creverat, filii iam plane ad altiora animus erat occupatus: et ne in nihilum redirent fundamenta studiorum, cotidie summo mane et vesperi, horam studiis concessit liberalibus. Et cum mentis oculo cerneret, litteras posse efficere, ut quis ad dignitates et honores progrediatur, stimulo gloriae denuo, maiori iudicii acumine praeditus, ad studiorum continuationem animum readsumsit. Ne tamen incassum videatur interim laborasse, artis et scientiae suae testimonium, ex aurificina adquisitum exhibuit: fecit namque omnia, quae Magistro incumbunt facienda, utputa Poculum Norimbergensium more, sigillum et Annulum, quae et nunc non absque adorea nominis et ingenii exstant, et volentibus exhiberi possunt; quorum vi et effectu fas illi fuisset, pro lubitu artem hanc sane ingeniosam in patria exercere; quia vero nobilius obiectum deamavit, diu noctuque vires eo vovit. [V,] His itaque omnibus transactis, desiderio et precibus huius iuvenis Deus respondit mirifice; et qui ex aurificina ad studia primus erat author, is et fcontinuationis

3 fuit porro Promotor et Fautor; quippe recte, ubi licentiam et Testimoniales artis [p. 8.] suae a parente postulasset, ecce divinitus quasi allatae sunt, a praefato M. Nicolao Gabellmanno Graecio litterae, quibus hunc iure postliminii ad coeptum continuandum paterne monuit, et ex aurificina Graecium Styriae avocavit, ubi M. Gabellmannus a Proceribus Styriae gymnasio Graecensi praepositus erat, <ut> illud pro singulari sua discretione et eruditione distractum et languidum in integrum vel maiori cum incremento restitueret. His visis et perlectis coepta maturare Christophorus perrexit, illicoque apud Parentem pro sua annuentia et Litteris Testimonialibus, vulgo Lehrbrief, institit sedulo. Parens huic pientissimo proposito amplius resistere nec potuit, nec paterni affectus ratione voluit, statimque, quibus praesentibus illum huic officio adscripserat, iis praesentibus ab eodem nexu, exhibitis superinde testimonialibus quoque eliberavit et emancipavit. Liber sic fac-