Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
grossen schiessen vnd Sturmglokhen anschlagen <die> vnsere leuth zur Flucht verwarnet. Acht Tag hernacher oder darnach brachte H(err) Seyfrid von Kholonitsch mit 500 Pfärden den Obersten T. Adam von TrautmanßdorfP 0 alher, welcher die Stadt beschützen sollt, auch khurtz zuvor auff anhalten der Stadt ist Wolff Dorn Hauptman vber 300 Muscatirer hereinkhomen. Ballt nach disen schribe der Némethi Gergl auß der gspanschaftt diser Stad zue, sie sollte es mit Ihm vnd seinen Herrn Botschkai hallten, aber wir haben Ihm Nichts wollen antwortten, Vil weniger auff die Versamblung, welche er in disen gspanschafften angestellt hat, Vnsere abgesantten schikhen wollen, wie vor disen Jahrn stats beschehen. Darauff der Némethi Gergl ergrimmet vnd durch den Christoff Haghmaschi <dise> (36 r ) wie berichtet, alle Vorstedt diser Stadt am Sambstag nach Gottsleichnams Tag [01.06.1605] 21 angestekht vnd gebrenntt, vnd sein leger bei Kolmhoff auffgeschlagen. Es sein auch khurz zuvor die Pauren bei 1200 starkh auffgemahnet worden in disen 3 gspanschafften durch die Vngrische Edelleuth, daß die sollten auff Öedenburg ziehen, die Stadt helffen einnemen, allß dan wurden sie viel guet bekhomen vnd Herrn werden, auch sein der Teutschen heuser in der Stadt schon von den Edlleuthen außgethailt worden, welches ein Jeder haben soll, dan sie vermaineten, sie hetten die Stadt schon gewun < den > nen, aber durch die Trautmanische Reutter vnd Rittmaister Warnstett, auch von des Hauptmanß Dorn Muscatirn vnd vnsern Teutschen landvolkh sein dise 1200 Vngern fast alle bei den Furtt Nidergehaut worden vnd gefangen, Ire Edelleuth aber mit iren geschwinden (36 v ) rossen entrunnen. Da, wie sie erstlich herauffraisten, eine grosse khugl vndter sie geschossen worden vnd iren Fendrich gehn himel geschikht hat, da sie allßballt ein waich herz bekhomen. Der Trautmansdorffer hat ire 7 oder 8 Fanen auff Wien gehn hoff geschikht, welche man an Gottßleichnams Tag herumb getragen vnd iederman sich der Oedenburger standhafftigkheit gefreyet, auch in gesindt wer in der procession Tapfer getrunkhen. NB. Vmb dise Zeit hat durch ein schreiben Ertzherzog Matthias diser Stad standhafftigkheit fast gelobet, auch zuegesagt, wo nuer müglich in aigner Person diser Stad mit khriegßvolkh zuzuspringen, welches Missiff oder schreiben dise Stad gar 20 Herzog Adam Trautmansdorf (Trautmannsdorf) war der Militärkommandant der Stadt Odenburg. 21 Das Datum wurde nach dem alten Kalender gelöst.
