Hans Seyfridt házipatikája és eceteskönyvecskéje (1609-1633); B sorozat, 2. kötet - Sopron Város Történeti Forrásai (Sopron, 1995)
Hausarznei- und Essigbüchlein. Házipatika és eceteskönyvecske
11 70. Ein Köstlich, Bewerte Breensalben / Kenőcs égéi ellen Erstlich nim ein weißs von einem Ay, darnach du viel machen wilt, vnd nimb noch so viel als daz weißs, guete obere Milch, klopf am ersten daz weiß woll ab, daz wol faimbt, vnd thue darnach die Milch drunter vnd nimb ein frischen vngesalcznen SPeckh vnd las in aus, nimb so viel als ein halbe Air schalle voll, thues auch vnder daz weiß vom Ai vnd vnder die milch, riers wol auf einem klamen glüetl ab, bis wil anfangen Zu sieden, darnach thues weckh, hast du ein köstliche salben, halt in wenig tagen, ohne masen vnd flöckh. f 71. Füer die Breinn ein bewerte Kunst / Torokgyík eilen Erstlich nimb ein Neu gelegt Ai vnd prat es, das hört wird. Nimb darnach den doter daruon vnd zerstoßs in einen Merser. Nimb darczue 7 salue plätl vnd so groß alß ein Haselnuß, weis hundtskot, vnd stoßs als vnter einander, thues in ein Schissel vnd rüer ein leffel voll schön Honig darunder, Streichs auf ein Diechel vnd legs dem Kranckhen [vber] vorn her vmb den halß, von ainem Ohr bis Zum andern, das magst 3 oder 4 mal thuen, ist vielen darmit geholffen worden [25]. 11 72. Von der Frau Reichartin Kain Kindt soll man im Leben oder in [STainpeckh] Sterbian oder Wider abnemen Vnd soll alczeit sehen, daz 4 tag vor dem Volmond sei, mans wil abnemmen. Wan ein Kind ein bößs leberl hat, so soll man Nemen Margeran Öll vnd ein Rote sandl salben vnd dez nacht seidl vnder dem Ripel mit schmieren, von der frau Reichartin auch guet fürs vnderwachsen. H 73. Ein Köstlichs öll füers Reissend alten vnd Junge / Csikarás ellen Erstlich nimb Praun Münczen Schmöckheite Palsen Wolmuet Gun Reben Hiener därm Weinrutten Jsop vnd gamiln Awrutten vnd Wermuet Falterian, dieser Kreüter eines ieden ein guete Hand voll [26]. Hackh es klein vnd stoßs hernach vnd preßs oder druckh den safft daruon, vnd so viel du safft hast, so viel muest Baumöel nemen, vnd den safft vnd daz öel thuen vnd sieden lassen, daz nuer halb pleibt, damit allein das Oel bleibt, vnd thues hernach in ein glaßs, vermachs wol vnd secz etlich an die Sonnen. Vnd wann mans braucht, mues man ein plabs woles flöckhl nemen vnd daz öel warm machen vnd drein dauchen vnd auf den Nabel gelegt, so warms, als man erleiden kann. U 74. Recept, wie man das Köstlich Masticz öel macht / Masztixolaj elkészítése Von der Frau Lassarus Henckhlin. Jst guet Zum Magen vnd durch pruch, auch Zum Reissen, wann mans auf den Magen vnd pauch schmieret Alten vnd Jungen. Erstlich nimb Wermuet, Praun Münczen, Abrutten, vnser frauen plotter vnd krauß oder Raid Palsen, von denen Kreütter muest du haben iedes ein hal(l)bs, sent, maluasier 1 Seidl
