Hans Seyfridt házipatikája és eceteskönyvecskéje (1609-1633); B sorozat, 2. kötet - Sopron Város Történeti Forrásai (Sopron, 1995)
Hausarznei- und Essigbüchlein. Házipatika és eceteskönyvecske
Rauten vnd —7 wasser Wolgemuet ' 11 64. Zue der Leber / A máj számára Ampfer — wegward Mayen distl Erdbör — 11 65. So einem die Nasen blüet / Orrvérzés ellen Jst es ein Mans bild, so nimb ein weißs Tuech, necz es in khalten wasser mit essig gemischt vnd schlags vmb den halß vnd vmb daz genäckht. Probatum est [22]. Jst es ein frau oder Jungfrau, so schlag ihr daz vmb die brüst vnd vmb ihren halß, es ist an vielen probiert worden. Ii 66. Für Oh(n)mechtigkait / Ájulás ellen Jtem Nimb Polei, seuds in einem starckhen essig vnd halts für die Nasen, es gibt im grosse Krafft. f 67. Jmber einzumachen / Gyömbér eltevése Nimb weisse Jmber oder wo du in nit haben magst, ein Roten, der Volkhumblich seie vnd inwendig nit schwarcz, wasch die Rote färb herab vnd leg in in ein herbe laugen etlich Tag, biß Er mörb wird, darnach so nimb ein scharfes schreib Meßeklein (!) vnd Zerstich in vber Zwerh, daz du die hertte Ederlein abschneids, vnd schel daz ober heütlein herab, daz er sauber ist, darnach leg in in ein frisch Prunnenwasser vnd las in darin liegen, biß daz du gar nichts von der laugen empfindest, doch daz Er nit gar die krafft verliere, vnd leg in darnach auf ein Tuech, daz Er darauf truckhnet, daz kein feichtigkheit mehr heraus gehe, vnd leüter ein Zugger vnd siede in woll, daz er sich gleich Kandieren will, vnd gieß in darüber, daz er nit haiß sei, daruon der Jmber möcht herd vnd ein schnupfen, darnach wann der Zugger etwas wässerich wirdt von dem Jmber, ist guet Zum [23] Magen, wann du ihn erwermst vnd Zu morgens herauß. H 68. Ein bewerte Kunst für die Geelsucht / Sárgaság eilen Hat michs der Pfleger Mittenwald gelernt Erstlichen nimb ein Vngeleczten haffen vnd leg ein nei gelegts Ai, daz erst von der Hennen hergehet, in den Haffen, darnach soll der Kranckh sein harn darüber lassen, daz drei finger vber daz Ai gehet, darnach verbündts mit einem weissen Tuech vnd schneid etlich löcher darein vnd leg ein Reisich von einem bäum darüber vnd grabs in einen Ameiß hauffen, doch daz dich Niemandt darüber erwisch, es ist guet vnd probiert etc. 11 69. Für die Rotte vnd weisse Ruehr / Vérhas ellen Nimb der Terra sigillata ein Quintl in Saurampfer wasser, darauf sich warmb gehalten, stelt die Rotte vnd weisse Ruehr, so sichs aber nit baldt stellet oder stellen lassen will, so brauch ein quintel dieser Terra sigillata in einem Rotten wein, darin ein glüender stahl etlich mahl abgelescht worden ist, vnd thue es als lang, biß die ruehr nit weiter gehet [24].
