Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
werung, XXV tal. den., auch Jn den Rat erlegt. Actum am Mitichen Vor Sand Georgen tag Anno .1.5.0.6.(04.22.). Jdem hat khaintzs Wolfin [hat] den Seydenikel begnüegt, die L tal. den. Zu Sand Michelstag (1506.09.29.). Jst bey dem pharrer Jn dinst gestanden vnd die pegenüss bezallt. Vbermass dem Seydenikel geben [81] 142. Unvollständiger Eintrag auf einem Zettel, eingelegt zwischen die Seiten 80 und 81 / A 80. és a 81. lap közé betett cédulán található befejezetlen bejegyzés Peter wan Als pargen Auff sein begnadung. [Hans] <Mathes> vbelpacher, Richter Zu Rust, Jorig Kratzer, Gotthart [All] pranntner, All von Rust 143. 1503 März 29 Der Stadtrat schlichtet den Streit über die Erbschaft zwischen Jacob Zechmeister von Harkau, Matthias Puchler, Leonhard Puchler, Kaspar Faßbinder Mitbütger von Ödenburg und ihrer Frauen einerseits und Gilg Zehentner Bürger von Ödenburg, andererseits / A tanács rendezi az örökség miatti vitát a harkai Zechmeister Jakab, továbbá Puchler Mátyás, Puchler Lénárd, Binder Gáspár soproni polgárok és feleségeik, valamint Zehentner Egyed soproni polgár között Nach Cristi Vnnsers lieben herrenn geburd Jm XCVC vnd dritten Jare Am Mitichen Vor dem Swartzen Suntag Jn der Vassten (1503.03.29.) khömen für die herrenn besamelts Rats die Erberen Zechmeister Jacob Von Harka Vnd Mathes puhler, Liennhart puhler Vnd Caspar pinter, angesessen mitburger alhie, fursichselbs Vnd an stat Jerer hawsfrawen Vnd ander Jerer mitErbenn Vnd ganntzer frewnndtschafft, Vnd begerten an den Erberen Gilig Zehenntner, auch Burger alhie, Alle Erbschafft, So von seiner hawsfrawen, Frawen Dorothea, Vnd Jerer Swesster, Anna, auff Sy, als die negsten Erbenn gestorben vnd Erblich gefallen wer. Darauff Jn Gilig Jn meniger gegenRed antburdt. Doch durch vnderweysung vill gueter lewt haben beyd parthey die Sachen den herrenn Ze hannden geben vnd darumb vergriffen. DaraufTSy die herrenn Vmb Jr vleyssig anrueffen Vnd gebete geaint vnd vertragen haben, Wie hernach lawttet. Jtem Zum Erssten Zu gueten frewnndten gesprochen Vnd vmb all Zuespruch Vnd anüodrung, So Sy Zu dem Giligen von wegen seiner hawsfrawen, Dorothea, Vnd Jerer Swester, Anna, gehabt habenn oder gehaben hieten mügen, Khainer gesonndert noch ausgenomen, Sonnder hiemit gannts abgethan. Soll benanter Gilig der obbeschriben Frewnndtschafft für sye vnd all ander Erblich Frewnndtschafft, ob noch etlich an Giligen suehen wollen, Der Sy sich dann angenomen haben, gebenn Ain Weingarten Jm Jrher, Ainn Jm Jrrenfrid, Ainn Jm Newenperg, Wie die all drey mit Raynn Vmbfangen seinn, Vnd LX gulden, Zwainzig Zu Sand Gorgentag (1503.04.24.) Vnd Zwainzig Zu den Weichnachten (1503.12.25.) Vnd darnach Zwainzig aber Zu Sand Georgentag nagstnacheinander khünftig (1504.04.24.). Vnd Jn disem vertrag Seinn dem Giligen all ander güeter, Hewser, Mairhöff, Weingarten, Ägker, Wismäd, nichts ausgenomen. gannts Frey vnd ledig gesprochen, damit als mit seinem aigen Guett Ze thain vnd Ze lassenn, Von der obuermelten frewnndtschafft vnd Jeren Erbenn, Auch menigklichs von Jeren wegenn Jrrung vnd hindernüss Vngeüerlich. Actum die et Anno Vtsupra [82]
