Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
item Jn den anderen gueteren allenthalben, Es seinn Weingarten, Ägker, Wismad, Wie die genant seinn, So berürte fraw Kunigund hinder Jr gelassen hat, die Sy Jnnhald Jrs geschëffts miteinander Ze taillen haben, Jst die wall getaillt. Also, So die Junkhfraw am Erssten in ainem Erbstukh die wall hat, Soll darnach der Osterberger die ander auch Zuuor haben, So verr vnd Lanng die Güeter gar getaillt werden Trewlich vnd vngeüerlich. item Den Manntel, Rokh vnd Slayr, So der Junkhfrawen geordent ist, Soll Jr Osterberger raihenn. item Osterberger Soll der Junkhfrawen Margareten, seiner StewffTochter, ainn hewrigs vnd ainn vierdigs Vessell wein <geben>, yeds per X Emer, die guet seinn, damit Sy Jr frucht dises Jares vëgsen müg. item Die Schuld der begrebnüss vnd ander, So vörhannden seinn, Vnd der, so noch herfür kernen mechten, soll Osterberger bezallen vnd entrichten. item Ob Osterberger Etwas aus sölhenn Güeteren verkhawffen wollt, Soll die Junkhfraw oder Jr nëgst frewnndt die anfailung haben. Ob aber die Junkhfraw dergeleichen etwas verkawffen wollt, So sollen aber Jr negste frewnndt die anfailung haben. item Vnd vber solh berürten vertrag vnd Ainikeit soll bedachter frawen Khunigunden geschëfft mit allen anderen Artikeln, Clauselen vnd Puncten, wie dasselb lawtt vnd Jnhallt Jn krafft beleiben. Es soll auch die Junkhfraw den Osterberger als Jeren vater fürbas Eerenn vnd liebhaben. Desgeleichen widerumb soll der Osterberger der Junkhfrawen als seiner Töchter auch thainn. Vnd seinn also hiemit Zu gueten frewnndten gesprochen. Welher taill aber darüber sölhen vertrag nit hiellt oder sich aneinander vnerten, Wie das wer, des es vberweisst wurd, Jst Gemeiner Stat Vnnachleslich verfallen Hundert tal. den. Vnd soll demnach diser vertrag, Wie oben lawtt vnd durch die herrenn des Rats gemacht ist, Jn krafft beleiben. Des Zu gedechtnüss Jst es Jn der herrenn Gedennkhbuch geschriben. Actum feria Sexta post Egidi Anno .1.5.0.2. (09.02.) Jtem Am Freitag nagst nach Sand Veitstag hat Conrad Wolff, Margaretha, sein Eeliche hawsfraw, etwan frawn Kunigunden, Wolfgang Osterberger hawsfrawn leibliche tochter, Von Wolfgang Seydenikel, Regina, seiner hawsfrawen, Das obuermelt haws, Jn Sand Jorgenn gassen gelegen, Auch alle Weingarten, Ägker vnd Wisen, So vngeüerlich Wolfgang Osterberger, kunigünd, sein hawsfraw selig, hynnder Jn gelassen haben, Vor den herrenn des Rats khawfft vmb IIIC LXXV tal. den. <Ledig vnd frey>, Also Sollen dem wolfgang Seydenikel Jnner vierzehen tagen geben L tal. den., darnach Zu Sand Georgentag (1506.04.24.) XXV tal. den. Abermals Zu Sand Michelstag darnach (1506.09.29.) L tal. den. Vnd darnach Zu Sannd Gorgentag (1507.04.24.) all nacheinander khünfftig L tal. den [Zu] bezallen. Aber Zu den vbrigen HC tal. den. hat Conrad Wolff tag, So Lanng das kind des Osterberger vnd frawn Regina Töchter, Anna, mündig würd. Welher taill solhen khawff nit hielt, Jst Gemeiner Stat Zu peenn verfallen L tal. den. Vnd soll demnach bey dem khawff beleiben. Actum die Vtsupra Anno Jm XVC vnd Fünfffen Jare (150506.20.) item khaincz Wolff vnd Margaretha, sein hawsfraw, haben an der Schuld die Ersst werung, L tal. den., Zu Rechter Zeit den herrenn Jn den Rat erlegt. Jdem haben Sy die ander
