Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
wollten oíFenlich, das ich mich aus poser, angenomener gewonheit Vnd aigenschafft gröslich vertiefft vnd vergessen, Auch menigen gueten man mit Weingartbaw betrogen Vnd dem Spill obgelegen habe, Darumb mich mein gnedig Vnd fürsichtig herrenn des Rats Zu Odemburg Jn Jr Straff, vennkhnüss genömen Vnd meine Recht deshalben woll thainn hieten lassen mügen. Aber angesehen Got vnd frumber lewt gebete, haben Sy mich begnadt Vnd bey leben gelassenn, des ich Jch Jn vnzallperlich dannkh sage. Also das ich mich auff Jeren Gmeiner Stat grünndten nymer enthalden noch wönen, sonnder dieselben meiden soll vnd will. Ob ich aber darauff ergriffen oder ich für mich selbs oder Yemandts an meiner Stat die Sachen äferen oder vernewen wurd, gen wem das wer, nyemandts gesonnder, noch ausgenömen, das Zu mir Weyslich wurd, Will a(u)ch alsdann gannts vbersagt vnd geurtaillt sein Vnd kheins menschen gebete auff diser Erde, auch gar khains Rechten gemessenn Trewlich vnd vngeüerlich. Vnd nach dem ich aigenns petschad nit habe, auch nyemands gehaben hab mügen, der mir solh mein verschreibung mit petschaden verfertigt hiet, Hab ich mit vleis gebeten die obuermelten mein gnedig herrenn, Solhs Jn Jrer Stat gedennkhbuch Zu Ewiger gedechtnüss Ze schreiben. Actum am Montag nach dem Suntag Judica Jn der vassten Jm XVC vnd II Jare (1502.03.14.) 128. 1502 März 14 Georg Hunger aus Mörbisch wird wegen seiner Drohungen bis zum nächsten St. Georgentag (04,24.) der Gebiete Odenburgs verwiesen / Hunger György meggyesi jobbágyot fenyegetései miatt Szt. György napjáig (04.24.) kitiltják Sopron területéről Jtem Gorg Hunger von Medwisch hat gedröt, Er well das dorff daselbs verbrennen Vnd mit ainem hagedorn etlich Weingarten, So der wein in plüe stee, vberfaren vnd verderben. Jst auch gestrafft worden, Doch der meisten Straff, So er vmb sölh Drönüss verschuldet [hat] hiet Vmb gebet begebn, auff nymer thainn, Vnd soll sich von den grünndten Gmeiner Stat Ziehen, daselbs nit mer enthalden, Zwischen hewt vnd Sannd Jorgentag nagstkunftig. Für Jn seinn parg mit leib vnd Guet Fabian Hunger von Medwisch, sein leiblicher brueder, Vnd Muerr philipp von Odemburg. Actum am Montag Nach Judica Jn der Vasstenn Anno .1.5.0.2. (03.14.) [70] 129. 1502 Februar 25 Der Stadtrat bewirkt einen Ausgleich zwischen Lorenz und Hans Lang aus Wisla, auch in Vertretung von Wolfgang Lang, Christina, seiner Frau, Hans Frisch, alle ebenfalls aus Wisla sowie Thomas Toller aus Klosterneuburg einerseits und Katharina, der Witwe des Achaz Hunget andererseits / A tanács egyezséget hoz létre a Wislaban lakó Lang Lőrinc és János (Lang Farkas, illetve felesége, Krisztina és Frisch János, ugyancsak wislai lakosok képviseletében is), Toller Tamás klosterneuburgi lakos és Katalin, Hunger Ákos özvegye között Jtem Am Freitag Nach Mathie Appostoli khomen fur die Ersanen, Weisen herrenn des Rats die Erbenn Lorennts vnd Lang Hanns gebruder fur sich selbs vnd an Stat Lanng Wolfganngs Vnd frawen Cristina, Frisch Hannsen, Jerer geswistred, all von Wiersla, Vnd Thoman Toller von ClosterNewnburg, Vnd weisten da die gesypt frewnndtschafft, Wie Sy dem Achatzy Hunger, Etwenn mitburger alhie Ze Odemburg, gefrewnnt gewesen wëren. Paten mit hegstem vleis, Suechten auch vnd begerten da nach seinem abgang seins verlassenn guts, Souill auf Sy als die nëgsten gesypten frewnndt Erblich vnd Rechtlich
