Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
geuallen möcht, Jn mitzetaillen vnd Sy des gewaltig Ze machen. Da entgegen erschain auch fraw Katherina, des benanten Achaty Hunger verlassene witib vnd pat dergleichen mit guetem vleis das Geschefft Jrs hawswirdts Ze khrefften Ze sprechen vnd Sy bey dem, das Jr Zuegehöret, hanndtzehaben. Vber solh baidertaill begeren vnd vleissig gebet Jst betracht vnd gemacht worden, wie hernach lawttet. Jtem Zum Ersstenn Jst den frewndten vnd geswistreden von Wiesla, Wie oben steenn, Auch dem Thaman Toller von ClosterNewnburg, als den nëgsten gesyppten Frewnnden, Zuegesprochen Jtem Jn der Grassen ain achtaill Weingarten, Jtem Jm Newenperg ain Sechzehentaill Weingarten, Jtem Jm Khollenperg I achtaill Weingarten, Jtem der Weingarten Jn der Wisen, Wie der mit Raynn vmbfangen ist, Jtem ain krawtgarten, Jtem ain Agker Jm Ättengraben, miteinander in beywesen gueter lewt Ze taillenn frewnndtlich vnd trewlich. Jtem Mer die hernach geschriben Erbstukh seinn der Achatzynn Morgengab, darzu die obuermelten frewnndt nach Jerem Tod Erblich greifFen vnd steenn sullen an alle Ruegung, Wenn Jn die herrenn derselben Ruegung, Wie der Stat Gerechtigkeit ist, vmb Jr vleissig gebete begeben haben. Jtem Jn der Grassen ain Achtaill Weingarten. Jtem Jm Khollnperg ain Achtaill Weingarten, item halbs haws Jn der vorstat, bey der Spitall prukh gelegen. Jtem der Garten Zwischen den Tewffen Wegen. Vnd an hewtigem tag hat der Thoman Toller für sich vnd all sein Erbenn sein gerechtigkeit der Morgengabhalben den berürten seinen frewndten von Wiesla Ze lösen geben, fürbas khünftigclich khainen Zuespruch noch anuodrung darzu Ze haben noch gewynnen, alles Trewlich vnd vngeüerlich. Die vtsupra Anno domini 1502 (02.25.) [71; 72] 130. 1502 Juni 8 Der Stadtrat bewirkt einen Ausgleich zwischen Matthias Schreiber anstatt seines Sohnes und Georg, dem Diener des Kaspar Krämer / A tanács megegyezést hoz létre Schreiber Mátyás (fia képviseletében) és György, Krämer Gáspár szolgája között Jtem Am Mitichen Nach Bonifacy haben Mein herrenn des Rats den Mathes Schreiber, an Stat seins Sünn, Vmb das verbünden vnd krieg, So er vnd sein Mitgesellen dem Jorg von Sarwasskeenn dieselb Zeit her Caspar khramers diener, bewisen, Auch vmb die Scheden vnd leibwünden, So derselb Jorg des Mathes Schreiber Sun gethan hat, Vmb all krieg vnd Zwitrecht auff beiderteill begeren gennczigklich vertragen. Also, das der Jörg des Mathes Schreiber Sün Jnner Vierzehentagen geben soll Vnd der Sigl pekhenknechr vnd sein Mitgesellen sollen Jm widerumb erlegen vnd geben V tal. den. Vnd seinn also Zu gueten frewnndten gesprochen. Vnd welher taill die Sachen, vill oder wenig, äferen wurd, Jst den herren vnnachleslich verfallen XX tal. den. Actum vtsupra Anno 1502 (06.08.) 131. 1502 Juli 3 Kaspar Krämer legt Rechnung als Kämmetmeister und wird wieder mit dem Kammermeisteramt bis zum St. Georgentag (04.24.) 1503 betraut / Krämer Gáspár mint kamarás elszámol és 1503 Szt. György napjáig (04.24.) újra megbízzák a kamarási tisztség ellátásával [Her Caspar khramer hat von dem khamermeister ambt Rayttümb gethan vnd hat hewt Acto des widerumb von Jm selbs, als er Schuldig ist gewesen, vnd ander beraitgelt aufF ein Newes emphangen, Jn Summa HC XXXI tal. LXXXII den. vnd soll das khamermeister
