Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
bestreicht gewesen bin/ gedrünngen noch genött wer, Sonnder Jst alles mein gutter will, Jch sey lebenng oder töd. Ob ich aber dawider Jn ainigerley gestallt mishandelt, den obgeschriben Spruch vnd ainikeit in vngüetem äffriet Vndt nit volfüert, des Jch vberweist würd, Will Jch khaines Lanndsfürssten geschefft, Jts noch künftigklich, Auch annderer herrenn füerbet [fur] furdrung Vnd Jn sonnderheit aller Recht, Geistlich Vnd weltlich, nit genossen haben, Sonnder hiemit [59] genncziklich verzigenn vnd geürtaillt sein, an all auszug, Wie die Menschens vernüfft mag erdennkhen, Trewlich vnd vngeüerlich. Des Zu Merer gezewgnüss haben es mein offtgemelt herrenn von Odemburg Jn Jr Stat[buch] gedennkhbuch Zu Ewiger gedechtnüss lassen Schreiben. Actum die et Anno Vtsupra Jch hanns teyfer bkenn, dass es alles, Wie es oben gestimbt ist, Mein gueter, Vngetwunger Will ist, Vnd bestätt Das mit meyner aygen hantschrifft hie inten geschriben, ich Jtem dabey ist dem Giligenn Zehenntner Zu peenn aufgeseczt, Ob er auch den obgeschriben Spruch vnd ainigung Jn vngüetem äffret oder den peitler vnerlich nachredt vnd verungelympht, Hundert Hungrisch gulden Vnnachleslich Von Jm an alle gnad Zu nemen 110. 1501 Februar 5 Der Stadtrat bestätigt die Nutznießung eines Weingartens auf Lebenszeit für die Mutter des Hans Schützner / A tanács Schützner János édesanyjának élete tartamára egy szőlő haszonélvezetét biztosítja Jtem Am Freitag Nach der Liechtmessen haben mein herrenn des Rats mit gebete am Hanns Schützner vnd seiner mitErben erhabt, das Sy das Sechzehentaill Weingarten aufF den Stain, Neben des Gugler vnd Mert Koch Weingarten gelegen, seiner Mueter, der Alten Schücznerin Jr lebtag gelasen habenn, das Sy desselben mitsambt Jerer Töchter vnd Jerem aydem geniessen sollen. Actum vtsupra Anno domini 1 5 0 1 (02.05.). Aber nach Jerem abgang soll Schutzner vnd sein mitErben darnach steenn [60] 111. 1501 Februar 8 Der Stadtrat beschließt einen Ausgleich zwischen dem Benefiziaten Stefan Lüntzer und Matthias Schteiber / A tanács egyezséget hoz létre Luntzer István beneficiátus és Schreiber Mátyás között Am Montag Vor Appolonie haben die herrenn des Rats heren Steffan Lüntzer vnd Mathes Schreiber veraint. Also das Nun fürbas Mathes Schreiber heren Steffan Zu der Stift Simonis et Jude appostolorum, Jerlich Zu Sand Gorgen tag (04.24.), dienn soll von Zwainzig phunden II tal. den. Vnd Zu fürphanndt Seczt Mathes Schreiber seinen Weingarten Jm potzmansperg, des VII Achtaill seinn, [Nachher ist der] gelegen neben den ödenn rnhalb vnd derhalb. Mer soll Mathes Schreiber heren Steffan Zwischen hie vnd sand Gorgen tag erlegen ainen versessen Zynns III tal. den. Vnd ob Mathes Schreiber den Weingarten nit pewlich hieldt, Soll herr Steffan oder sein nachkömen die XX tal. den. haben auff des Mathes Schreiber allem Güett. So aber Mathes Schreiber die XX tal. den. erlegt, So hat er den Weingarten gefreit. Actum Vtsupra Anno domini Jm XVC vnd I Jare (1501.02.08.)
