Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
369. 1529 Juli 31 Der Stadtrat entscheidet über den Nachlaß des Thomas Farkusch / A városi tanács dönt Farkusch Tamás hagyatékáról I 5 2 9 Thomaß Farkuß gelassen gueter Jn Sachen Zwischen georg <premb> fleischagkher vnd seiner vnuogtbaren tochter Anna, ains, Vnd georgel, Weilennd thomasch Farkusch, burger Zu Ödenburg, eelichen sune, anders tails, der erbgueter halben, So gemellter farküß an Hauß vnd weingarten hinder sein gelassen <ist>, gehandelt vnd ausgesprochen worden, das man die Zins, auf des Farküß guetern Verschriben, benantlich in Hundert tal. I sol. vnd XVIII den. Haubtguet vnd Zinß Vier Jarlang versessen, von den II 1/2C tal. den, darumb das haus Verkauflt, sol ausrichten vnd bezallen, Vnd die schuld, so georg Fleischagker mit seiner Hausfrauen gemacht, sol auch Von Vngetailten guetern bezallt werden, dieselb schuld ist XVIIII tal. IUI sol. XII den. Bleiben per rest Vom Haübtgellt 130 tal. 2 sol. den. Vnd das ain Virtl Weingarten Zu katzndorff. Von denselben seind dem georg Fleischagker Vnd seiner tochter, der er sich hierjnnen Volmachtigklich angenomen, fur all Jr baider abfertigung gesprochen worden LX tal. den.Vnd Was er Von dem nesslinger aufgehebt, sol Jm an den LX tal. den. abgeen, Vnd er solle dem kind von disen LX tal. de, ain erber heuratgüet beüor Halten. Vnd ob furán mer schulden Herfür kamen, so diser Zeit nit Vermeik, di solle der georg von seinen guetern Zallen, desselben gleichen sol er dem Mandl Juden den Wüecher der anstandigen X tal. den. bezallen. Vnd der Vbertail gellt, als di LXX tal. den. am Hauß Vnd das Virtl weingarten Zu katzndorf sollendem georgel, des thomaß Farkuß Sun, fur sein Vaterlich erbtail Volgen Vnd Vnuerkumbert frei, ledig beleiben. Actum auf der pürgerschrann Zu Ödenburg am 31 tag July Anno 1529 item georg premb fleischagkhers quittung vnd verzieht sein vnd seiner tochter abfertigung halben findet man bei den Quittungen Jn dem swartzen sägklein 370. Kauf eines Hauses durch die Stadt und Eintichtung einer Stadtküche / A tanács vásárol egy házat és elrendeli városi konyhává alakítását Neu Kuchl, di gemaine Stat von christan Joachim kaufft Hat item paul schutzner, der Zeit Stat Cambrer, Hat von gemainer stat wegen fuer den Joachim Zalr, dem Hädschel Juden geben 9 tal. den., der malka Judin Zalt 10 tal. den., dem Zechmaister der eilenden Zech Zalt I tal. IUI sol. den., dem alten Leser Juden Zalt II tal. II sol. den. Vnd der Weingart Jm stainHauf, so der Joachim Von gemainer stat kaufft vnd aufgenomen, ist geschätzt worden vmb IUI tal. den., item dem Joachim dreu Jar steurgelt abgezogen, II 1/2 gulden Hungrisch, Summa, so gemaine <stat> fur den Joachim Zalt hat, macht XXVIIII tal. VII sol. den. Vmb dieselben 29 tal. 7 sol. den. hat gemaine Stat des Joachim öden vnd Hausung, am Holtzmargkht gelegen, eingezogen Zu ainer Statküchl [274]
