Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

Zeitig sein. So erfüll man erst die Zall ains Ratz. Vnd es wäre auch Vor Zeiten beschehen, Das man Jacoben Sübenburger von neids wegen aus dem Rat geton Vnd andrer Zwen Hinein genomen. Burgermaister Vnd ain Rat sollens bei erlösung ainer gmain beleiben lassen, [we] <er> weill auf künfftig Zeit, an sand georgen (04.24.) vnd margstag (04.25.) nymer herauf khumben Vnd sich in ander weg gegen ainem Rat mit merern worten einlassen. Darauf der Burgermaister ain gemain gefragt, ob sy Jm sölhes Zereden beuolhen haben. Darauf ain gmain gesagt, auch von sölher Sachen wegen nit Herauf kumen, noch erfordert worden. Darauf Jn ain Rat in den thuren Zenynderst geschafft, aber der täbrer als Vngehorsamer oben Jnn thurn gangen, den man nachmals auf widerStellung auf nachstkunfftigen freitag wider ausgelassen [worden] <hat>, actum montag Vor Joannis baptiste seiner geburd Anno et Die vt Supra] [idem Veit schuester auf sein Stellung nach Durch ainen ersamen Rat auferlegt worden XXXII tal. den. auf gemaine Stat Zegeben Zwischen Heut dato vnd sand margarethen tag (1528.07.13.) etc. Darauf sich täbrer Weiter hören lassen, Solche geHorsam well er von ainem Rat nit leiden auf erlösung der gmain, Vnd die sach fur Herren Haubtman vnd ain gmain gewaigert, actum freitag nach Johannis Baptiste Anno etc. im XXVIII-ten] (1528.06.26.) [266] 360. 1528 Juli 1 Der Wiener Neustädter Bürger Schirwaiger verspricht die Schulden nach seinem Haus in Mörbisch zu bezahlen / Schirwaiger bécsújhelyi polgár megígéri, hogy meggyesi háza utáni adósságait megfizeti 1 5 2 8 Schirwaiger austannd Schulden Zu medwisch Dem Schirwaiger, <Burger Zu der Neustat> sollen sei n ausstenndige schulden, die er kuniglicher Maiestat vnd gemainer Stat von seinem Haus, daselbst Zu medwisch gelegen, ongeuärlich in die sechs Jar her schuldig béliben, aus den Statregistern Vnd Camerregistern aus Ziehen Vnd Zuestellen. Die selben ausstanndt sol er gemainer Zu kunfftigem Weinlesen bezallen. Vnd denen von Medwisch, die vier phunt phennig auch Zu derselben Zeit [be] entrichten. Von Wegen der Robat vnd ander mitleiden, Wie er in gegenburt her [gorig] <Veit> Hochkircher Vnd .n. Vir der Burgern Zu der Newnstat mit den von medwisch abprochen hat, Dieselben ausstanndt vnd Schulden Zubezallen hat sich gemellter schirwaiger gegen ainem ersamen Rat wilkorlich erpoten Vnd Zudanngk solh pitt vnd verzug angenomen. Beschehen mittich vor Vnnser frawen tag Jrer haimsuechung Anno etc. im XXVIII-ten (1528.07.01.) 361. 1528 Juli 15 Lateinische Eingabe von Blasi Nadt in Angelegenheit des Nachlasses von Hans Sägrer / Nadt Balázs latin nyelvű beadványa Sägrer János hagyatéka ügyében 1 5 2 8 Janusch Magassy vbergab Blasien Nagd etc. An Heut, den mittichen nach margarethe im XVC vnd XXVIIIten Jaren (1528.07.15.) ist Blasi nagd, Burger Zu ödenburg Vor ainem ersamen Rat erschinen vnd aida ain Lateinisch vbergab vnd gwallt Von Hannsen magassy, Burger im Zygeth ausganngen,