Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
Her Johann Cuspinian, Anwalld der Stat wienn, Vnnser genadig Herren fur Jr gnaden erfordert Vnd Vnns in Nomen hochernannter kuniglicher Maiestat furgehallten, Demnach Hochermellte kunigliche Maiestat Jr gnaden sambt ettlichen Jren mitcommissarien des kunigreichs Hungeren mit Volmachtigem gewallt Hieher, gen Odennbürg verordent, die Stritigen vnd Hanngenden Sachen Zwischen paider kunigreich vnd Lannden vmb pessers frids vnd ainigkair willen gutlich vnd rechtlich Zuendscheiden. Aso heten Jr gnaden ettlich vill Sachen vnd schrifften in der vasten Jungst verschinen von den partheien angenomen, auf Derselben ettlich Sententz vnd vrtel gesprochen. Vnd so nachmalen von der österlichen Zeit wegen dieselbem Hanndlungen baider kunigreich vnd lannde auf den montag nächst nach der Hailigen Driualtigkait (1528.06.07.) angestellt, Zu Demselben tage Jr gnaden auf kuniglicher Maiestat Beuelh geHorsamblich erschinen, Biss auf heut mit Vil costen Jrer gnaden vnd der partheien, die sich Her Zue gefuegt, auf die Hungrischen commissary verzogen, Vnd da gemellt Hungrisch commissary Zwischen dem montag nach trinitatis (06.07.) Vntz her nit erschinen, Heten Jr gnaden Solches der ennden, Wo sich dann geburt, Lanngen lassen. Vnd von kuniglicher Maiestat beuelch emphanngen, Die weil die Hungrischen commissary Vber bestimbten tag aussen béliben, weder schreiben noch kainen andern scheinn Jrer ankünfft Vorher gesanndt, von Hinnen widerumb Zuuerrügken, vnd begerten an Vnns, das wir sölher Jrer gnaden geHorsam erscheinen [264] <1528> vnd Lanngen VerHarrens also ingeDenngkh sein, Vnd wo sölHes Zu weiter disputacion khumben, Das Jr gnaden solches mit vns wellen prostetirt haben. Darumb wir Jren gnaden kuntschafft schuldig Zugeben sein wurden, Solches auch in vnnser Statbuch ein Zeleiben demselben Jrer gnaden begeren nach, So wir bei vns fur gantz pillich vnd Zimlich geacht, Haben wir berurt Jrer gnaden furgehallten Maynung auf Jr gnaden begeren Zu kunfftiger geDächtnuss aufss kurtzist begriffen, in vnnser vnd gemainer stat Ödenburg Statbuch einschreiben lassen. Beschehen Suntag infra octauas corporis christi Anno etc. im XXVIII-ten (1528.06.14.) Kauf n. Zceigkndorffer 358. 1528 Juni 15 Abgebrochene Eintragung über einen Kauf / Félbeszakított feljegyzés egy adásvételről An Heut, den montag nächst nach dem Suntag infra octauas corporis christ (1528.06.15.) Haben michel Hamer, burger Zu Odennbürg, vnd n., sein Hauswirtin [265] 359. 1528 Juni 16 Der Stadttat schlichtet den Streit mit dem Schuster Veit Täbrer / A városi tanács rendezi a vitáját Täbrer Vid vargával 1 5 2 8 Memoria veit schuster [An Heut, den phintztag nach Viti Anno etc. im XXVIII-ten (1528.06.16.) als Rat vnd gemain <auf der schrann> besambiet gewest, Hat sich Veit täbrer auf nachfolgend Mainung gegen Herren Burgermaister, Richter vnd ainen ersamen Rat hören lassen, der Burgermaister Handl nichts nach erlösung aines äussern Ratz der XXIIIIger vnd gmain, er thue nur, was Jm gefalle, man wolle ainen Rat, Wann die Kersen [Zeitig wären] <plüen> vnd wann die kersen
