Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)

Das Gedenkbuch—A Feljegyzési könyv

swartzntaller, Sein erben vnd den obgedachten pauln schützner Vnd sein erben, Auch wer deshalben quittung notdurfftig ist, der egerurten HC tal. XL den ganntz quitt, ledig vnd loss. Daneben auch den Herrn n., Burgermaister, Richter [vnd] Rate vnd gemainer stat Ödenburg fur mich, mein erben, bei meinen eeren vnd treuen, auch dem gemainen Lanndleuffigen schadenpunt in Hungern angelobend vnd versprechend, Ob die kunigclich maiestat, Vnnser allergenaidigister Herr vnd Lanndsfürst oder Jrer maiestat nachgesetzten Richter, welcher gestallt sölhes beschähe, furbaser icht wider die ergangen Vrtl, deren [262] <1528> von Ödenburg auf des swartzntaller oder seiner erben weiter anlanngen, erkhlaren, ordnen, Statüeren oder erkhennen wuden, das Jch vnd mein erben demselben allem, on entgelltnuß gemellter Von Ödenburg, des pauln Schützner, Jrer erben vnd nachkhomben, auch on ainicherlay ausflucht vnd auszüg nachkhomben, gehorsamlich geleben vnd mit mir meinem vnd meiner erben guet selbs aussteen wellen vnd sullen, Wann vnd alsofft solhes die notDurfft erHaischen windet. Vnd die von Ödenburg den schützner vnd Jr erben vnd nachkhumben Hierjnnen on allen schaden vnd nachtail ZuHallten treulich, vngeuarlich. Zu warem vrkund Hab Jch mit fleis erpeten den Edlen, gestrenngen Herren Dietrichen Von Hartitsch, Ritter kuniglicher Maiestat etc., Span vnd Haubtman der Spanschafft Vnd Stat Odennbürg, vnd den Edlen vnd Vesten Jungkherren Christoffen Bayren, kuniglicher Maiestat Dienner, das Jr gnaden vnd Vest Zu gezeugkhnus der obgeschriben Sachen Jre secret vnd petschafft an meiner stat, demnach Jch mein petschafft nit beiHendig Hab, Zu Ennde ditz Brieffs aufgedrugkht haben, doch der Zu Jrer gnaden Vnd Vest, auch Jren Secreten on allen schaden. Der geben ist Zu Ödenburg am freitag nächst nach der vrstennd christi Anno eiusdem im XVC vnd XXVIII-ten (1528.04.17.) item Gemellter <paul> schutzner Hat Heut, den montag nächst vor sand georgen tag (1528.04.20.) die vbrigen XXVI tal. den. an Halbem Hauß dem christoffen swartzntaller erlegt auf das Rathauß Vnd hat Hiemit Jnhallt des kauffs die HC vnd funffundzwaintzig phunt den. vnd ainen Rainischen gulden Zu leiggkauf Vmb benannt Halb Hausung des swartzntaller fur ainen ersamen Rat erlegt, Daran der gothard die obgeschriben Summa, HC tal. XL den. in crafft seiner vrtl aufgehebt, die vbrigen 26 tal. den. ligen auf dem Rathauß bei dem grundtpuch. Anno et die Vt Supra [263] 357. 1528 Juni 14 Die Habsburgische Kommissare verlassen Ödenburg, nachdem die ungarischen Kommissare der Einladung zu Friedensverhandlungen nicht Folge geleistet hatten / A Habsburg udvari biztosok elhagyják Sopront miután a magyar biztosok nem tettek eleget a béketárgyalásokra történő meghívásnak deutschen ComiSSarn Abzug 1528 Wir michael Jban, derzeit Burgermaister, paul Schützner Statrichter, vnd der Rate gemainlich der Stat Odennbürg, Thun kunt allermenigclich den gegenburtigen vnd kunfftigen, Das Vnns an Heut dato kuniglicher Maiestat Zu Hungern vnd Beham etc., Vnnsers allergenadigisten Herren vnd Lanndsfursten Rat Vnd Commissary, die Hochwirdigen, Wolgebornen, Edlen, gestrenngen vnd Hochgelerten Herren, Her Dietrich, Bischoue Zu der Neuenstat, Herr [w] Georg von Lichtenstain, Her Wilhalbem von Reichenpach, Vnd