Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
165. 1505 Januar 22 Stefan Schwarz kauft vom Stadtrat einen öden Weingarten / Schwarz István a tanácstól kopár szőlőt vásárol Weingart item Swarts Steffel hat khawfft Von denn herrenn des Rats ainen ödenn Weingarten auff dem Sanndt gelegen, So etwann des Alföldi Walint ist gewesen, Wie der mit Raynn Vmbfangen ist, Vmb VI tal. den., Jn Zwayen Jaren nagstkunfftig Zu bezallen. Actum Mitichenn Sannd Vinnczentzen tag Jm XVC vnd Funfften Jare (1505.01.22.) [98] 166. 1505 Mai 3 Paul Spilber, Vormund des Georg Haberleiter, leiht dessen Geld dem Stadtrat / Spilber Pál, Haberleiter György gyámja, gyámfiának a pénzét a tanácsnak kölcsönzi Jtem Spilber paull hat den herrenn als Gerhab des Jorg Haberlewtter desselben Haberlewtter geldt gelihen, XXVII tal. den., hat herr Michell Schottel, diezeit Burgermeister vnd Khamermeister aufgehaben vnd dem Span gegeben an den Jerlichen Zynnsen. Vnd ist nun hinfür Gemeine Stat dieselb Summ geelts, XXVII tal. den., Schuldig dem benanten Haberlewtter Zu bezallen vnd Zu begnuegen. Actum am Sambstag des heyling krewczs tag Jnuencionis Anno .1.5.0.5.(05.03.) [99] 167. 1505 April 27 Wolfgang Fragner, Pfarrer in Illmitz, erscheint vor dem Stadtrat, um einen Ausgleich zu treffen mit den Angehörigen des Studenten Martin Schmied, den er auf der Reise nach Raab erschossen hat / Fragner Farkas illmici plébános megjelenik a tanács előtt, hogy kiegyezzék Schmied Márton diák hozzátartozóival, mivel a diákot Győrbe utaztában lelőtte item Am Suntag nagst nach Sand Gorgentag Jm Fünfzehen hundertisten vnd funfften Jare (1505.04.27.) Jst khömen der wirdig herr wolfgang Fragner, diezeit pharrer Zu Wlmats, mit ainer anzall besambter Erwirdiger Briesterschafft vnd ander erber, frumber lewt, fur die Ersamen, Fürsichtigen Vnd weisen herrenn Burgermeister, Richter vnd Ratt der Stat alhie Zu Erennburg, vnd patt da durch seinen Vormund an die Erber frewnndtschafft des Smid Hannsen, Sein Mueter Vnd Brueder, Mann vnd Frawenn, So auch da gegenwürtig besambt, Auch die, So nit gegenwürtig, Sonnder Sy mit Jerem gewallt da worden, vmb den vbelen hanndeln, So er an Jerem lieben brueder, Martino Smid, ainem Studenten, auff der Reiss vmb ain dimiss(i)on gen Raab gezogen, begangen, den er dann, nit mit willen, noch aus fürbetrachtung seines gemüts, als er sagt, Als es dann Gott an dem ängstlichen gericht soll erkhennen, Sonnder villeicht aus Zuschüerung vnd verfüegung des pösen geists, aus ainer hanndtbügsen erschossen Vnd von dem leben Zum töd bracht hiett, Durch Gotts, Auch der Junkhfrawen Marie Vnd aller heyling willen Züuergeben vnd Rechtens vertragen. Wiewoll aber Smid Hanns Sein brueder, Jr leibliche Mueter vnd all Jr frewnndtschafft, Jr gemüet Jn Trawrigkeit gekhert, Vmb solhen vall pluets, mit grymmen swerlichen entzündt, Got Jere laid khlagten, Solh frewd vnd wird der briesterschafft, So Sy an Jm erwart hieten, mit solhem Smertzen Zu begeben, Yedoch werden Sy, mit vill Sennffter vnd guetiger Rëd vnd vnderweisung gewaikht, Jeren Swärmuet aus Zu sliessen, khain Rath
