Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
Sy gegeneinander gehabt haben, Vnd So Zwischen <Jn> Vnd Jerer beyder hawsfrawen ersteen hieten mügen, gennczigldich vertragen vnd abgethan, Vnd Zu gueten Frewnnden gesprochenn, Fürbas khainn taill solh Zwitrecht Ze äferen, bey Wanndel vnd peen Verfallen X tal. den., Welher taill vberWeist würd. Actum die Et Anno Vtsupra 156. 1504 Februar 14 Der Stadtrat bewirkt einen Ausgleich zwischen Nikolaus Hutter, Hans Hutter, Wolfgang Hutter einerseits und der Witwe des Friedrich Neuperger in Angelegenheit des Nachlasses des verstorbenen Gilg Hutter andererseits / A tanács egyezséget hoz létre Hutter Miklós, Hutter János, Hutter Farkas és Neuperger Frigyes özvegye között az elhalt Hutter Egyed hagyatéka ügyében vertrag Jtem am Mitichen Sannd Valentins tag (1504.02.14.) habenn die herrenn des Ratss den Huetter Nikel, Huetter Hanns vnd Huetter Wolfganng für sich selbs Vnd all Jr Erbenn mit der Neypergerin Vmb all ZueSpruch vnd anuordrung, So Sy Zu Jr von Wegenn des Huetter Giligenn seligen gehabt haben, gennczigklich vertragenn vnd geaint. Also, das benante Fraw Neypergerin denn Huetteren vnd Jeren Erbenn gebenn soll halbenn taill gellts, Wie Sy den Weingarten am lebërperg Verkhawfft hat, Jn dreyen Vierzehen tagen. Jdem ain Sechzehentaill Weingarten Jm dürlas soll Sy Jr lebtag peylich Jnnhalden, vnd nach Jerem [tod] abganng soll es [es] denn Huetteren vnd Jerenn Erbenn Haym gefallen. Vnd was andre Erb vom Huetter Gilig her kernen seinn, die die fraw Jnnhat vnd besiezt, seinn der frawenn frey gesprochen, damit Ze thainn vnd Zu lassenn. Jdem Jst den Huetteren Zuegesprochen ain Oder Weingarten beym Krewczs. Actum die et Anno Vtsupra [94] 157. 1504 März 18 Der Stadtrat bewirkt einen Ausgleich zwischen Anna, Frau des Stefan Fleischhackets anstatt ihrer Kinder aus voriger Ehe, Veit und Veronika einerseits und dem Christian Fleischhacker anstatt dessen vetstorbener Frau Dorothea, Schwester der beiden Kinder / A tanács megegyezést hoz létre Fleischhacker István felesége, Anna (előző házasságából született gyermekei, Vid és Veronika képviseletében) és Fleischhacker Keresztély (elhalt felesége, Dorottya, a két gyermek nővére képviseletében) között Anno domini 1 5 0 4 Am Montag nagst nach dem [Montag] Suntag Letare Jn der vasstenn (03.18.) habenn die herrenn des Rats Frawen Anna, des Steffan fleischagker hawsfraw, an Stat Jerer Zwayer Kinder, Veitel vnd Feronica genant, So sy vormals bey dem Andre fleischagker <eelich> gehabt hat, an Ainem, Vnd Cristan Fleischagker, an Stat frawenn Dorothe, seiner hawsfrawen seligen, der benanter Veitlein vnd Feronica geswistrad Vaterhalben, am anderen taill, vmb all Zuespruch vnd anuordrung, So benante fraw Anna an Stat Jerer Kinder Zu dem Cristan Fleischagker nach abganng seiner hawsfrawenn gehabt haben oder gehaben hieten mügen, gennczigklich vertragenn vnd geaint, [Also] Vnd den berürten Zwayn Kinderen, Veitel vnd Feronice, frey gesprochenn den Weingarten Jm Newnperg, halben, vnd den Weingarten Jnn Wätzeren, auch halben, Wie dy mit Raynn vmbfangen sein, vnd fraw Anna soll dem Cristan Fleischagker an Stat der Kinder hinaus geben V tal. den. Vnd Cristann Fleischagker Jst nun fürbas mit allem seinem guet, Varund vnd anligund, vonn den Kinderen vnd von
