Bírósági Könyv 1423-1531; A sorozat, 2. kötet - Sopron Város Történeti Forrásai (Sopron, 2005)

Das Gerichtsbuch-A bírósági könyv (Jenő Házi - János Németh)

Puelndorffer in seiner klag vermellt hat, das lautt seiner schuldzedl, vor Michaelis begriffen sey durch des Lenngenfelder maynung bestatt sey aber der anderen xiiii stuck mech halben hat sich Puelndorffer beklagt das Simandl die selben nach Michaelis sambt den iii zwigkoschen tuechen nach emphangen hab, die iii zwigkischcn seind bezallt, aber die andern xiiii die er damit genomen hat nit bezallt, die er im dann guter maynung vertraut hat, deshalben er öffentlich vor ainem ersamen rat vnd geding bekhent hat, auf den heutigen tag vor ainem ersamen geding, das er nach Michaelis die iii zwigkischen tüech mitsambt den andern stugk tuechen emphangen hab, Aber als Puelndorffer erstlichen clagt hat, da hat Simandl vermaindt, das er ausserhalb seins geltschuldbr(ief) nach Michaelis nichts emphangen hab, auch nach Michaelis kain stugk duech genomen, das ist geschehen vor dem ersamen geding, solfies erstlich vernaynen, vnd widerumb vor geding bekhenen, nemb er sein bekhantnuss an, vnd darauss eruolgt, das all vnser eingelaitt zeugen wie die begriffen sein, selbst becrefftigt vnd bestatt hat, damit er pillich schuldig sey die stugkh mech die er nach Michaelis emphangen hat, dem Puelnd(orffer) zubezallen vnd benüegen [228] Puelndorffer einred contra Waltaser hueter bekhanntnuss, Sagt Puelnd(orffer) also, es sey in der klag vnd widerred vermellt worden, Sigmund Lengenfellder hab gelihen dem mann dauon der Puelnd(orffer) die ochsen kaufft 40 guld(ein), das well Sigmund Lengenfellder weisen in dem faal sagt Puelnd(orffer) er habs demselben nit gelihen es sey auch derselb man im gwelb nit gewesen, hat er aber vmb frembd schulden Spruch zu im sol er in suchen wie sich geburt, Vber das hat sich Lengenfelder erpoten, er weis weisen mit dem mann der gellt zellt hat, Spricht der hueter in seiner sag, er hab 9 den dieweil vmb essen vnd tringkhen getragen vnd da er widerkumen, hat Puelnd(orffer) das gellt beihenndig gehabt, daz sey 40 guidein gewesen, hab er mit äugen gesehen, daz ist offenlich ain vngrundt, Es sagt auch Puelnd(orffer) darzue er hab weder rechten anfang, kain rechts mitti, vnd ain vngrund zu ainem end, in seiner zeugen sag anzaigt, wan es ist öffentlich wissen, das zusamen pünden gelt, nit kan gesehen werden, als Lengenfelder fur gibt, er solt ims haben helffen Zeilen, deshalben kans mit grund sein end nit erraichen, Fur daz ander trag e(uer) w(eishait) selbs wissen daz er [zeug] mit vngrundt der warhait vor e(uer) w(eishait) offenlich erfunden ist, deshalben sein kuntschaft vnd zeugen sag abgestellt wirt daz solhcs pillich sey setzt Puelndorffer die gants handlung der rechtfertigung zu e(uer) w(eishait) rechtlich erkanntnuss mitsambt der appellacion vorbehallt fur die 7 freistet vnd abtrag cost vnd zerung Sigmund Lengenfelder last sich des vndinstlichen langen vngegrundten furpringen nicht bekumern, will bei dem grundt der sachen verharren der dieser ist, Michel Puelnd(orffer) hat inen von wegen zwaier keuf mech beklagt, nämlich daz ainer vber den ausgangen schuldbr(ief) vnd die iii zwigkischen verkaufften tuech beschehn sein sollte, des im aber Lengenfelder vemaint, vnd den ersten kauf wie der schuldbr(ief) lautt sambt den iii zwigkischen tuechen bekentlich gewest, [229] Vnd albeg anzaigt er Lenngenfelder hab vmb den ersten kauf dem er im bekanntlich vnd sunst kain, ime dem Puelnd(orffer) den schuldbr(ief) auf dato desselben geben, vnd nochmalen gen schäpring auf den margkht gefaren, vnd dem Puelnd(orffer) dieweil die mech in seiner gwaltsam lassen, Wie er aber widerkumen, nach michaelis, hab er die mech zu seinen henden genomen, vnd weil er also zu schäpring gewesen, hat Puelnd(orffer) iii stugk zwigkische mech auch vberkumen, die er im auch abkauft vnd bezallt, vnd gesteet im nit daz er ausser des was von im