Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
0. Item vermerck, das mein herren von wegenn dicz kegennwurtigen grund puchs solhe Ordnung gemacht habenn, das ein Jeder verkauffer, es sai hewser, Weingarten ader wisenn, was er vermaint in das gruntpuch Zw fertigen, sol er von einem Jeden post gebenn XXXII den. vnd von dem selbigen gelde sol der Statschreiber nemen XVI den. vnd gemaine Stat XVI den. Item welher sich ausschreibenn last, der sol gebenn von ausschreiben VIII den. vnd sol der statschreiber von dem selbigen gelde nemen IUI den. vnd gemaine stat nil den. vnd das ausschreib gelt sol gebenn der kawff er. Gilg Zechanntter des hauss halben oder altem gemewrr stet am 55. blatt 1 1. Tausent Vierhundert vnd In dem SechsvndNewnZigisten Jare VierZehentag nach Sand Georgen tag {1496.05.08.) haben die Ersamen Weisen herren Jacob Sübenburger, dieZeit Burgermeister vnd kirichmeister Sand Michaels pharkirichen, her Michel Schottel StatRichter vnd khamermaister, her Mert Sighart, her Achats khrönperger, her Jacob Ryemer, her Emrich Magasch, her Thoman Dresinger, her Jörg Eysner, her Jorg von Pawngarten, her Mert Henngst, her Michel Yban, her Jacob Pilsner, her Lienhart Steirer vnd her Fërkusch Thomäsch Ratgeswören der Stat Odenburg das Egkhaus am Platzs In der Stat Zwischen Jacob Ryemer vnd Steffan Schonpawr hewseren gelegen, Das mit khauff vmb ain Sum gelts an die bemelten herren vnd Gemeine Stat Von dem Edlen Bäläsch vnd Philip Janusch von NaidgLutzschen, Etwen des hochwirdigen Fürsten vnd herren Vrban Bischolff Zu Edlaw vnd k(ünigliche)r M(ajestä)t Schatzmaister etc. gesipten Freund ten komen ist, gebawt vnd Zu ainem Rathaus geordent vnd furgenomen, Darnach mit besamelten Rate darein geZogen vnd Rate dar Inne Zu phlegen vnd Recht sytzen angefangen Am Freitag vor Felicis Anno domini 1497™ (1497.01.13.) [l r ; l v ] I M IIII C LXXX 2. Nach Kristi geburt Vierzehennhundert vnd darnach In dem Achtzigisten Jare hatt Garll Jud dem Erberen vnd weisenn herrn Achacz KrOnperger, die Zeitt des Ratts der Stat Zw Odennburg, Elisabet, seiner hawsfrawen vnd Ir baider erbenn verkawfft ein Sechczentail weingartenns Im prewschlein gelegenn, des nachper sind herr Thomesch, auch gesworen Burger daselbnns vnd Lorencz Rweger, vnd der Weingarten ist des bemeltten Juden gekawffts guet, den er dann dem Wolffgang Röttll beczalt hat, Vmb ein Summa geldes, der er gancz vnd gar beczalt vnd verricht ist, fray vnd ledig vor aller gult vnd geltschuld. Actum vt supra. 3. Nach Cristi geburt VierZehennhundert vnd darnach In dem Achtczigisten Jare hat peter Frieshaimer dem Erbern Mert kromer, [vnd] Barbare, seiner hawsfrawenn vnd Ir baider Erbenn verkaufft sein halbs haws Inn der Fleischer gassenn, Zw nächst des bemeltten Mert kromers vnd Hannsen Drescher hewser gelegenn, vmb ein Summa geldes, der er ganncz vnd gar beczalt vnd entricht ist, fray vnd ledig vor aller gült vnd geltschuld. Actum vt supra. 4. Nach Cristi geburt VierZehennhundert vnd In dem Achttzigisten Jare hat der Erber Wais herr Kristoff Harb, die Zeitt geswaren Burger Zw Odenburg, dem Erberen Mert kromer, Barbare, siner hausfraw verkaufft ein virtail Weingartens auff der Haid, das weilent Nicklasen von Scharlawicz gewesen, vnd nach Innhalt seines geschaffts verkaufft hat Zw Hail seiner seien, vmb ein Summa geldes, der er gancz vnd gar verricht vnd beczalt ist, ledig vnd fray vor aller gult vnd geltschuld. Actum vt supra. 1 Auf dem Blatt, das auf die innere Seite des vorderen Einbanddeckels geklebt ist. Vgl. noch die Eintragung 387 auf 55?
