Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
gmainer, seiner hausFrawen vnd erben recht, trew gewern, scherm vnd furstanndt fur all khunfftig ansprach gegen Cristen 88 vnd Juden, nach Stattbrauch. Gemellte verkhauffer haben auch ongeZaigts hauß fur frei, ledig auff vnd vber geben, ongeferde. Vnnd wiewoll auff berurtem hauß, sonderlich auf dem taill, so ernennter Veronica Zue gehört, 15. tal. den., dem Closster Zu odnburg Zugehörig, verpfenndt gewest, vnd Jerlich verZinst werden, so hatt doch gedachte Veronica sollche haubtsuma vnd Zinß auff die hernach verschriben behausung genomen vnd darauf ZuuerZinsen Zuegesagt. Actum die et anno et sub dominis magistratibus quibus proxime supra. 665. Gemellte Veronica wurtzlin hatt fur sich vnd Jr erben nutz vnd gwer emphanngen aines hauß Jn der vischergassen Zu Odnburg, Zwischen Wollfganngen Räbl vnnd weillennd Lienndl Mathiaschen verlaßner wittiben, Radigunden gelegen, so sy von obgedachtem Ambrosen gmainer fur frei, ledig erkhaufft vnnd beZallt hatt. Sollchs khauffs ist gemellter verkhauffer gedachter Veronica vnnd Jrer erben rechter, trewer gewer, scherm vnd furstanndt fur all khunfftig ansprach gegen cristen vnd Juden", nach Stattbrauch. Ernennter verkhauffer hatt auch ongeZaigte behausung fur frei, ledig auf- vnd vbergeben. Aber sy, die Veronica hatt die obbestimbten 15. tal. den., dem Closster Zuegehörig, auff sollche behausung genomen vnd ZuuerZinsen Zuegesagt, ongeferde. Actum die, anno et sub dominis magistratibus vt proxime Supra. [117 v ] 666. Ara Corporis Christi ad Sanctum Michaelem Lang Liendl, Margaretha, sein hawsfraw tenentur einem ieden kapplan vnd verweser Gocz leichnams altar in Sand Michels pfarrkirchen gelegen, X. tal. den., douon sie all Jar Zw Sand Michelstag Jm lesen (02.09.) dien I. tal. den., pfannt Jr haws auff der widen, des nachper ist lorencz weixlberger Vnd Veit Riemer, vnd mer ein Sechczehenntail Weingarten om Newnperg, des nachper ist Virich Tschekll Vnd des wolfgang Mwlner kind, frey vnd ledig. Actum on Montag nach Michaelis Anno domini etc. LXXXV (1485.10.03.). Tempore Cristofforo Harb Magistrociuium et Jacobo Joachim Judice. 667. Vrban Stromair, burger Zu Odnburg, Barbara, sein eeliche hausFraw, haben fur sich vnnd Jr beder erben nutz vnd gwer emphanngen aines Weingarten Jm dudlaß, Zwischen Benedicten Brunnschepfer vnd aines khrabatten Zu Signdorff Weingarten gelegen, so sy von Sigmunden Rueff pader Zu Leuberstorff, alls gwallttrager weillennd Hannsen Stromair Barbierers, vmb ain Suma gellts fur frei, ledig erkhaufft vnd beZallt haben. Sollchs khaufs ist bemellter verkhauffer Jnnhalt seines habenden gewallts gedachts Stromair, seiner hausFrawen vnnd erben rechter, trewer gewer, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Ernennter verkhauffer hatt auch ongeZaigten Weingarten fur frei, ledig auff- vnd vbergeben, ongeferde. Actum am 10. tag des monats May Anno domini 1541 (05.10.). Sub dominis magistratibus Andrea palltram magistrociuium , Michaele Tölldl Judice. 668. Thoman gsperrer, burger Zu odnburg, Margaretha, sein eeliche hausFraw, haben fur sich vnd Jr beder erben nutz vnd gwer emphanngen aines hauß daselbs Zu odnburg, Jn Sannkt Michaelis gassen, Zwischen Matheusen Rosentaller behausung vnd Matheusen gartners garten gelegen, so sy von Andreen Fuchsleittner vnnd seiner mittverwanndten fur frei, ledig erkhaufft vnd beZallt haben. Sollchs khaufs ist gemellter verkhauffer vnd seine Zuegewonndten gedachts Thoman gsperrer, seiner hausFrawen vnd erben recht, trew gewern, scherm vnd furstanndt fur all khunfftig ansprach gegen Cristen vnd Juden, nach Stattbrauch. Ernennter verkhauffer hatt auch ongeZaigts hauß fur frei, ledig erkhaufft auf Von fur angefangen gleichzeitig unterstrichen
