Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
erben rechter gwer, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Gemellter verkhauffer hatt auch ongeZaigts hauß fur frei, ledig auffvnd vbergeben. Actum am 9. tag Augusti Anno etc. 40 (1540.08.09.). Sub dominis magistratibus Joanne Reiß magistrociuium et Michaele Tolldl Judice. 1541 657. Vrban ännderl von prugkh an der Muerr, Sophia, sein eeliche hausFraw, haben nutz vnd gwer emphanngen fur sich vnd Jr beder erben aines SechZehentaill Weingarten Jm potzmansperg, Zwischen Jacoben Wollf vnnd Larentzen weber, beder burger Zu odnburg, so sy von Matheusen Müllner fur frei, ledig erkhaufft vnd beZallt haben. Sollchs khauffs ist bemellter verkhauffer fur sich vnd all sein erben gedachts vrban änndderl, seiner hausFrawen vnd erben rechter gewer scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Gemellter verkhauffer hatt auch ongeZaigten Weingarten fur frei, ledig auff- vnd vbergeben. Vnnd wiewoll dem herren pfarrer Sant Michaelis pfarkirchen 20. sol. den. auff gedachtem Weingarten verpfenndt gewest, so hatt doch ermellter verkhauffer sollch gellt auff sein achtl Weingarten Jm kholbmperg ZuuerZinsen genomen vnd allso berurts SechZehentaill Weingarten gefreytt. Actum sub dominis magistratibus Joanne Reiß magistrociuium et Michaele tölldl Judice 5. die January Anno etc. 41. (1541.01.15.). [115 V J 1541 658. Wollfganng Stätthueber, pinter vnd burger Zu Odnburg, Margaretha, sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der Schrypengassen, Zwischen Hannsen Hamer vnd Michaelln pirrhinger, beder heuser gelegen, das sy von Georgen Schneider vnd Andreen Mausen, beder burgern Zu Odnburg, vmb ain Suma gellts fur frei, ledig erkhaufft vnnd beZallt haben. Sollchs khauffs sein bemellte verkhauffer fur sich vnd all Jr erben gedachts Stätthuebers, seiner hausFrawen vnnd erben recht, trew gewer, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch Gemellte verkhauffer haben auch ongeZaigts hauß fur frei, ledig auff- vnd vbergeben. Actum 16. die february Anno etc. 41 (1541.02.16.). Sub dominis magistratibus quibus proxime Supra. 659. Frantz wämmoß, burger Zu Odnburg, Sophia, sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der vorstatt, Zwischen Steffan nagh vnd Georgen thuerner, beder heuser gelegen, das sy von Jrem brueder vnd schwagern, Ambrosen wämmoß vnd Magdalena, seiner hausFrawen vmb ain Suma gellts erkhaufft vnd beZallt haben. Sollchs khauffs sein bemellte verkhauffer fur sich vnnd all Jr erben gedachts Frantzn wämmos, seiner hausFrawen vnd erben recht, trew gewer, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Gemellte verkhauffer haben auch ongeZaigts hauß vor ainem Ersamen Ratt auff- vnd vbergeben. Doch sein dem herren pfarrer 30 tal. den. Jarlich ZuuerZinsen, auff gemelltem hauß verpfenndt, so darauf beleiben. Actum am montag nach Jnuocauit Anno etc. 41 (1541.03.07.). Sub dominis magistratibus vt Supra. 660. Bartlme wallch, Maurer vnd burger Zu Odnburg, Catharina, sein eeliche hausFraw, haben fur sich vnd Jr beder erben nutz vnd gwer emphanngen aines fleckhen erdtrichs ober halb der Müll vor dem windtmüllthor, Zwischen beder pächl oberhalb des furt 98 , so Jn die khrautgärten geet, gelegen, das ein gmain erdtricht gewesen, wie derselb fleckh dieser Zeitt verfridt vnd mit ainem Zaun vmbfanngen ist, so sy von den herren [116 r ] Burgermaister,
