Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
Weingarten [von] der erwirdig brueder Coßmas, prior Zu sannt Pauli, des ersten heremiten Zu der Neustatt vnnd de[s]r ganntz[en] Conuent daselbs mit Zuegebung vnd erlaubnuß des erwirdigen herren Vicarien, brueder Georgen Jm Tall, gemelltem herren von Wollfferreitt ganntz frei, ledig vbergeben haben. Sollcher Freier vbergab sein gedachter brueder Coßmas vnd der Conuent obenberurt [seiner strenng] vnd Jr nachkhomen seiner strenng recht, treu gewern, scherm vnd furstanndt gegen menigclich fur all khunfftig Ansprach, wie gebreuchig vnd Recht ist. Gemellter brueder Cosmas vnd angeZaigter Conuent haben auch fur sich vnd Jr nachkhomen ernenntem herren von Wollfferreitt angeregten Weingarten Jnnhallt ainer verfertigten aufsanndt vor vnnser fur frei, ledig auff- vnd vber geben, Ongeuerde. Actum am 8. february Anno etc. 40 (1540.02.08.). Sub dominis magistratibus Christophoro gratzer magistrociuium et Alexio gering Judice. 653. Georg weber, burger Zu odnburg, vnd Dorothea, sein eeliche hausFraw, haben nutz vnd gwer emphanngen fur sich vnd Jr beder erben aines hauß Jn der vorstatt [Zu] daselbs auff der Sanntgrueb, Zwischen Steffan kholbmhoffer vnd thomäschen Hunger, beder behausungen gelegen, so sy von weillenndt Simon Fechter selign vmb ain Suma gellts fur frei, ledig erkhaufft, aber erst nach seinem ableiben seinen erben gar beZallt haben. Sollchs khauffs sein Wollfgang Fechter vnd Balthasar Neßlinger gedachts Simon Fechters Sun vnd aiden, so die lesst beZallung vmb ermellts hauß em[114 v ]pfanngen gedachts Georgen weber, seiner hausFrawen vnd erben recht, treu gewern, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Die gemellten Wollfganng Fechter vnd wol Balthasar Neßlinger haben auch ongeZaigts hauß fur frei, ledig auff- vnd vbergeben. Actum am 14. tag may Anno etc. 40 (1540.05.14.). Sub dominis magistratibus Joanne Reiß magistrociuium et Michaele tölldl Judice. 654. Joseph khern, burger Zu odnburg, vnd Magdalena, sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der vorstatt daselbs, an der lanngen Zeill, Zwischen Steffan Franckhen hauß vnd Blasi vleischackher Mairhoffs gelegen, so sy von Thoman öchsl, auch burger Zu odnburg vmb ain Suma gellts fur frei, ledig erkhaufft vnd beZallt haben. Sollchs khauffs ist gedachter verkhauffer ermellts Josephen khern, seiner hausFrawen vnd erben rechter, trewer gewer, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Gemellter verkhauffer hatt auch ongeZaigts hauß fur frei, ledig auff- vnd vbergeben. Actum am 19. tag may Anno etc. 40 (1540.05.19.). Sub dominis magistratibus vt proxime Supra. 655. Michel Rainer peckh vnnd burger Zu odnburg hatt fur sich vnd sein erben nutz vnnd gwer emphanngen aines hauß Jn der Statt [Zu] daselbs Zu Odnburg, Zwischen Matheusen Schutzner vnnd gmainer Statt hofstatt an Paurn Michelin hauß stossendt, gelegen, so er an phintztag Sannt Matheus tag Anno etc. 36 (1536.09.21.) von georgen Schneider, auch burger Zu odnburg vmb ain Suma gellts fur frei, ledig erkhaufft vnd beZallt hatt. Sollchs khauffs ist gedachter verkhauffer ermellts Michelin Rainer vnd seiner erben rechter, trewer gewer, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Gemellter verkhauffer hatt auch ongeZaigts hauß fur frei, ledig auffvnd vbergeben. Actum am 16. tag Juny Anno etc. 40 (1540.06.16.). Sub dominis magistratibus Joanne Reiß [Judice] magistrociuium et Michèle Tolldl Judice supra. [115 r ] 656. Maister Matheus Mann, pader vnd burger Zu Odnburg, Margaretha, sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der vorstatt Zu Odnburg, Jn der Schmidgassen, Zwischen n. schwertfeger vnd herren thoman Chapo stifftCaplan, beder heuser gelegen, das sy von Hannsen Stromair, Barbierer, vmb ain Suma gellts fur frei, ledig erkhaufft vnd beZallt haben. Sollchs khauffs ist bemellter verkhauffer fur sich vnd all sein erben gedachts matheusen Mann, seiner hausFrawen vnnd
