Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
gelegen, wellches SechZehentaill Weingarten weillennd Michaelln kholbmhoffer verlassen witib, die Jn das spital genomen worden, nahet gar verödet, darZue geben hatt, vnnd gemellter Anndre weyda vnd ernennte seine hausFraw haben dasselb SechZehentaill Weingarten von herren Veittn Ollpeckhen, [allda] die Zeitt Spitlmaister vmb ain Suma gellts fur frei, ledig erkhaufft vnd beZallt. Sollchs khauffs soll ain yeder Spitlmaister ermellter khauffer gwer, scherm vnd vertretter sein fur all khunfftig vnd rechtlich ansprach gegen 88 Cristen vnd Juden, nach Stattbrauch. Actum 5. die április Anno domini 1540 (04.05.). Sub dominis magistratibus vt proxime Supra. 649. Thoman Rauscher vnd Bärtlme wüllfing wechsl vmb Weingärten Thoman Rauscher, burger Zu Odnburg, vnd Anna, sein eeliche hausfraw, haben nutz vnd gwer emphanngen fur sich vnnd Jr beder erben aines achtl Weingarten Jm Jrher, Zwischen der briester bruederschaft vnd Ambrosen gmainer, beder Weingarten gelegen, wellcher von Bartlmen wüllfing, auch burger Zu Odnburg, vnd Barbara, seiner eelichen hausfrawen wechslweiß fur frei, ledig an sy khömen. Darfür gemellter Rauscher vnd sein hausfraw Jnen vnd Jren erben Weingarten Jm khuenratzperg, Zwischen Steffan Sailler vnd valltin, aines ledigen khnechts, beder Weingarten gelegen, darZue Zu auffgab 18. tal. den. 2 sol. den. geben haben. Es hatt auch ain taill dem anndern seinen Weingarten fur freL ledig auff- vnd vbergeben, dabei fur sich vnd Jre erben Zuegesagt, das ain taill des anndern gegen 88 Cristen vnd Juden fur all khunfftig ansprach recht, trew gewern vnd vertretter sein wollen, nach Stattbrauch. Actum 5. die április Anno etc. 40 (1540.04.05.). Sub dominis magistratibus Christophoro gratzer magistrociuium et Alexio Gering Judice. [113 v ] 1540 650. Hanns Muerr, burger Zu Odnburg, vnd Cristina, sein eeliche hausFraw, haben nutz vnd gwer emphanngen fur sich vnd Jr beder erben aines hauß Jn der Statt Zu Odnburg, Zwischen herren Mert Sigharten vnd Veiten Hasenstab, beder heuser gelegen, das sy von Jobsten Schneider, auch burger Zu odnburg vmb ain Suma gellts fur frei, ledig erkhaufft vnd beZallt haben. Sollchs khauffs ist benennter verkhauffer gedachts Hannsen Murrhen, seiner hausFrawen vnd erben rechter, trewer gewer, scherm vnd furstanndt fur all khunfftig ansprach gegen Cristen vnd Juden 87 nach Stattbrauch. Der verkhauffer hatt auch ongeZaigts hauß fur frei, ledig auff- vnd vbergeben. Actum [Sub dominis] am 9. tag április Anno etc. 40 (1540.04.09.). Sub dominis magistratibus vt proxime Supra. 651. Jobst Schneider, burger Zu Odnburg, Margaretha, sein eeliche hausFraw, haben nutz vnd gwer emphanngen fur sich vnd Jr beder erben aines hauß Jn der Statt Zu Odnburg, Zwischen herren Georgen CZyriaky vnd weillenndt Merten vleischackhers verlaßnen wittiben, Magdalena, beder heuser gelegen, das sy von Anndreen Paurn, auch burger Zu odnburg vmb ain Suma gellts fur frei, ledig erkhaufft vnd beZallt haben. Sollchs khauffs ist gemellter verkhauffer gedachts Jobsten Schneider, seiner hausFrawen vnd erben rechter, trewer gewer, scherm vnd furstanndt fur all khunfftig ansprach gegen 88 Cristen vnd Juden, nach Stattbrauch. Der verkhauffer hatt auch ongeZaigts hauß fur frei, ledig auff- vnd vbergeben. Vnd wiewoll 15. tal. den. ainem yeden pharrer Zu Sannt Michell darauff verpfenndt gewest, so hatt doch ermellter Anndre paur dieselben auf seinen Weingarten Jm glaser ZuuerZinsen genomen, wie Jm briesterpuech verschriben, Ongeuerde. Actum die, anno et sub magistratibus vt proxime Supra. [114 r ] 1540 652. Der Edl, Gestrenng Ritter, herr Georg von Wollfferreitt Zu Emerberg, Römisch Königlicher Majestät etc. Ratt, hatt nutz vnd gwer emphanngen fur sich vnd seiner strenng erben aines öden Weingarten Jm Golldperg Zu Medwisch, Zwischen Martin puschman vnd Michelin graser, beder burger Zu der Neustatt, Weingarten gelegen, wellchen öden
