Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
621. Oswolldt Rueß, burger Zu odnburg, Julian, sein eeliche hausFraw, haben nutz vnd gwer emphanngen fur sich vnd Jr beder Erben aines achtl Weingarten Jm schwabmperg, neben herren Hannsen patscha, obristen des Creutz ordens Zu odnburg Weingarten gelegen, so sy von gemainer Statt odnburg vmb ain Suma gellts frei, ledig erkhaufft vnd beZallt haben, vnnd soll Jnen der halb fur khunfftiger Zeitt durch niemandt khain Jrrung beschehen, des gmaine statt Jr furstanndt sein solle, treulich ongeuerde. Actum die, anno et sub magistratibus quibus proxime Supra. [105*] 622. Gall Ratt, schuechmacher, burger Zu odnburg, vnd Barbara, sein eeliche hausFraw, haben fur sich vnd Jr beder erben nutz vnd gwer emphanngen aines virtl Weingarten Jm vnndtern steyger, Zwischen Anndreen schreiner vnd herrn Matheusen dröppl, beder Weingärten gelegen, so Sannt Jorgen kirchen Zuegehörig gewest, den sy mit bewilligung aines Ersamen Rats von Caspar Judnfeindt, die Zeitt kirchmaister bemellter Sannt Jorgen kirchen fur frei, ledig erkhaufft vmb ain Suma gellts vnd beZallt haben. Sollchs khauffs ist ain yeder kirchmaister gedachter kirchen fur sich vnd sein nachkhomen gemellter khauffer vnd Jrer beder erben rechter gwer, scherm vnd furstanndt fur all khunfftig ansprach, gegen menigclich 83 nach Stattbrauch. Er, Judenfeindt hatt Jnen auch ermellten Weingarten fur frei vnd ledig auff- vnd vbergeben, ongeuerde. Actum am ersten tag marty Anno etc. 38 (2538.03.01). Sub dominis magistratibus Andrea palltram magistrociuium et Joanne Reiß Judice. 623. Maister Niclas khrueglstain, schuechmacher, burger Zu Odnburg hatt fur sich, dorothea sein hausFraw, vnd Jrer beder erben nutz vnd gwer emphanngen aines achtl Weingarten Jm Jrnfridt, Statthalben neben Matheusen schützners Weingarten gelegen, den er vmb ain SechZehentaill Weingarten vnd ain Suma gellts, welch SechZehentaill auch Jm Jrnfridt an der anndern seytten, neben gedachtem Schützner gelegen ist, vnd sein, ernannts Niclasen freie morgengab gewesen ist, von Steffan wagner, auch burger Zu odnburg, an sich gekhert hatt. Sollchs tausch Jst bemellter Salltzer fur sich vnd sein erben gedachts Niclasen, seiner hausFrawen vnd erben rechter gwer, scherm vnd furstandt fur all khunfftig ansprach gegen menigclich 88 nach Statt brauch. Er, Salltzer hatt Jme auch ermellt achtl Weingarten fur ganntz frei vnd ledig auff- vnd vbergeben ongeuerde. Actum 9. die January Anno etc. 38 (253S.02.09.). Sub dominis magistratibus quibus proxime Supra. [105 v ] 1538 624. Thoman 89 paur, burger Zu Odnburg, Anna, sein eeliche hausFraw, Vnd peter harrädl, dorothea, sein eeliche hausFraw, haben fur sich vnnd Jr aller erben nutz vnd gwer emphanngen dreier SechZehentaill Weingarten Jn dem obern Steiger, Zwischen herren Paulin, pharrer Jm Spitall vnd wolfganngen vischer Zum wolffs, beder Weingarten gelegen, so sy Zu gleicher taillung, vnuerschaidenlich von herren Niclasen Awer beneficiaten Zu Odnburg vnnd herren Hannsen Rainer, burger des Rats daselbs, alls gerhaben weillendt Jacoben Awer Statschreibers seligen verlaßner khinder, vmb ain Suma gellts fur frei, ledig erkhaufft vnd beZallt haben. Sollchs khauffs sein bemellte verkhauffer fur sich vnd Jre phlegkhinder gedachter khauffer vnd Jrer erben rechter gwer, scherm vnd furstanndt fur all khunfftig ansprach gegen menigclich 88 nach Statt brauch. Sy, die verkhauffer haben Jnen auch ermellten Weingarten fur frei vnd ledig auff- vnd vbergeben. Actum am 15. tag marty Anno etc. 38 (253S.03.25.). Sub dominis magistratibus Andrea palltram magistrociuium et Joanne Reiß Judice. Unterstrichen Am Rande: thoman paur, peter harrädl
