Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
625. Thoman Deumel, burger Zu Odnburg, Helena, sein eeliche hausFraw, haben nutz vnd gwer emphanngen eaines achtl Weingarten Jm Stainahuffen, Zwischen herren Andreen palltram vnnd Vrban Ratt, beder Weingarten gelegen, den sy von gmainer Statt Odnburg vmb ain Suma gellts fur frei, ledig erkhaufft vnd beZallt haben, derhalb gmaine Statt Jr vnd Jrer erben fur all khunfftig ansprach gegen menigclich 88 vertretter vnnd furstanndt sein soll, treulich, ongeuerde. Actum 15. die mensis marty Anno etc. 38 (1538.03,15.). Sub dominis magistratibus Andrea palltram magistrociuium et Joanne Reiß Judice. Gemellter thoman deuml vnd ernennte sein hausFraw haben verrer nutz vnd gwer emphanngen fur sich vnd Jr beder erben aines achtl Weingarten Jm glaser, Zwischen herren Matheusen, Caplan der Stifft omnium Sanctorum vnd n. Meusl, beder Weingarten gelegen, den sy von Andreaschen, Jrem schweher vnd vatter [106 r ] ain Suma gellts fur frei, ledig erkhaufft vnd beZallt haben. Sollchs khauffs ist bemellter verkhauffer fur sich, sein hausFrawen vnd Jrer beder erben gedachter khauffer vnd Jrer erben rechter gwer, scherm vnd furstanndt fur all khunfftig ansprach gegen menigclich 87 nach Stattbrauch. Er, der verkhauffer vnd sein hausFraw haben Jnen auch ernennten Weingarten fur frei, ledig auffvnd vbergeben. Actum die et anno [quibus] et Sub magistratibus quibus Supra. Jdem Thoman Deuml vnnd Helena, sein hausFraw, haben weitter nutz vnd gwer emphanngen fur sich vnd Jr beder erben aines achtl Weingarten Jm Neuperg, Zwischen Jacoben kholbmhoffer vnd Blasi Salltzer, beder Weingarten gelegen, den sy vor ertlich Jaren von weillendt Georgen Schwartz, auch burger Zu odnburg vmb ain Suma gelts erkhaufft vnd beZalet haben. Nachdem aber gemellter Weingarten halber ainem pharrer Jm Spitall verpfent vnd nit frei gewest, hatt sich die einschreibung an die gwer biß auff dato verZogen. Nun ist derselb Weingarten lautt des priester puechs mit erlegung des verpfennten gellts durch gemellten deuml gefreitt [worden], vnd allenthaben Jm briesterpuech vnd Jn des pharrhers Jm spitall Register außgethon worden, das allso vorgedachter Weingarten benennts deuml vnd seiner hausFrawen frei erkhaufft gutt ist Ha[tt]en darauff auch on menigclichs 88 widersprechen, allain wie obstet, ausgeschlosen, noch Stattbrauch rechtliche gwer ersessen. Actum 22. die marty Anno et sub magistratibus quibus Supra. [106 v ] 1538 626. Blasi khorptner, burger Zu Odnburg, Helena, sein eeliche hausFraw, haben fur sich vnnd "Jr beder erben nutz vnd gwer emphanngen aines achtl Weingarten Jn den grassern, an der obern seitten, neben Anndreen pinter gelegen, wellcher weillendt Hannsen posinger selign Zuegehort, vnd nach ableiben desselben, nach dem khain pluetterb damalls vorhannden gewest, gmainer Statt haimbgefallen ist, vnd geschätzt worden per 9. tal. den., dieweill dann obgemellter khorptner gedachtem posinger Jn seiner khranckhaitt wissentlichs gellts gelihen hatt 4. tal. 2. sol. den., hatt [Jme] Inen gmaine Statt angeZaigt achtl Weingarten vmb gemellte Schätzung khauffweiß Zuesteen lassen, vnd haben auff Jr schulld beZallt gmainer Statt Jn Jr Camer 4. tal. 6. sol. den., dauon dem herren pharrer pro exequys 4. sol. den. geben worden, das allso gmainer Statt nur 4. tal. 2 sol. den. béliben ist. Sollchs khauffs Jst mer bemellte gmaine Statt berurter khauffer rechter gwer, scherm vnd furstanndt fur all khunfftig ansprach gegen menigclich, 87 Ongeuerde. [Zu ware] Actum am ersten tag április Anno etc. 38 (253S.04.02 .). Sub dominis magistratibus Andrea palltram magistrociuium, Joanne Reiß Judice. 627. Niclas kholbmhoffer, burger Zu odnburg, vnd Elisabeth, sein eeliche hausFraw, haben nutz vnd gwer emphanngen fur sich vnd Jr beder erben aines hauß Jn der Statt daselbs, Zwischen herren Allexen Gering, die Zeitt StattRichter, vnd Hannsen Balasch, beder heuser gelegen, das sy von Michelin paurn, auch burger Zu Odnburg, vmb ain Suma gellts fur frei, ledig erkhaufft vnd beZallt haben. Sollchs khauffs ist benennter verkhauffer fur sich vnd sein erben gedachts Niclasen kholbmhoffer, seiner hausFrawen vnd erben rechter gwer, scherm vnd furstanndt fur all khunfftig ansprach gegen Cristen vnndt Juden 87 nach
