Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
617. Leonhart vleischackher Zu Agndorff, Dorothea, sein eeliche hausFraw, haben fur sich vnnd Jr beder erben nutz vnnd gwer emphanngen aines Weingarten Jm Dudlaß, Zwischen Ambroßen prasch, burger Zu Odnburg, vnd n. Gräsl Zu wanndorff, beder Weingarten gelegen, den sy von gemainer Statt Odnburg [odenb] vmb ain gellt aufgenomen vnd beZallt haben. Sollchs Weingarten Jst ain Ersamer Rat Jn namen gmainer Statt [Jr er] rechter gwer, scherm vnd furstanndt fur all khunfftig ansprach gegen menigclich, 83 nach Stattbrauch, ongeuerde. Actum an freitag nach Jacobi apostoli Anno etc. 37 (1537.07.27.). Sub dominis Magistratibus Anndrea palltramb magistrociuium et Joanne Reiß Judice. [104 r ] 618. Her peter Graff, burger vnnd des Rats Zu Odnburg, Helena, sein eeliche hausFraw, haben fur sich vnnd Jr beder erben nutz vnnd gwer emphanngen aines Weingarten Jm preischler, Zwischen herrn Veitten Ollpeckhen vnd peter Riemer, beder Weingärten gelegen, den sy von dem Erben Hannsen weillanndt, burger Zu russt vmb ain Suma gellts erkhaufft vnd beZallt haben. Sollchs khauffs ist bemellter verkhauffer fur sich, sein hausFraw vnd Jr beder erben gemellts Peter graffen vnd seiner hausFrawen, auch Jr beder erben rechter gwer, scherm vnd furstanndt fur all khunfftig ansprach gegen menigclich 83 nach Statt brauch. Er hatt Jnen auch ermellten Weingarten fur frei, ledig auff- vnd vbergeben, treulich ongeuerde. Actum an freitag nach assumptionis Marie Anno etc. 37 (1537.08.17.). Sub dominis magistratibus Andrea palltram magistrociuium, Joanne Reiß Judice. 1538 619. Her Veitt öllpeckh, burger vnnd des Rats Zu Odnburg, Margaretha, sein eeliche hausFraw, haben fur sich vnnd Jr beder erben nutz vnd gwer emphanngen aines achtl Weingarten Jm weittengrunndt, Zwischen Cristoffen Huml vnd Blasi Rott schuechmacher, beder Weingärten-gelegen, den sy von Franntzen Maintzer Zum wolffs vmb ain Suma gellts fur frei, ledig erkhaufft vnd beZallt haben. Sollchs khauffs ist bemellter verkhauffer fur sich, sein hausFraw vnd Jr beder Erben gemellts herren Veitten ollpeckhen, seiner hausFrawen vnd Jr beder erben rechter gwer, scherm vnd furstanndt fur all khunfftig ansprach menigclich 83 nach Statt brauch. Er hatt Jnen auch ermellten Weingarten fur frei, ledig auffvnd vbergeben, treulich ongeuerde. Actum am XI. tag february Anno etc. 38 (1538.02.11.) Sub dominis magistratibus Andrea palltram magistrociuium, Joanne Reiß Judice. Gemellter Her Veitt öllpeckh vnd Margaretha, sein hausFraw, haben verrer fur sich vnd sein (sie!) erben nutz vnd gwer emphanngen aine[s]r [Saffran garten] Hoff march Jn der schripergassen, Zwischen Steffan Schön vnd Steffan Hunger gelegen, [den] die [104 v ] sy von Wackha Cholmanin fur frei, ledig erkhaufft vnd beZallt haben. Sollchs khauffs ist bemellte verkhaufferin fur sich vnd Jr erben gemellter khauffer vnd Jr beder erben rechter gwer, scherm vnd furstanndt fur all khunfftig ansprach gegen menigclich 83 nach Stattbrauch. Sy hatt Jnen auch vermellt[en] [Saffran garten] Hoffmarch fur frei, ledig auff- vnd vbergeben, Ongeuerde. Actum die et anno atque sub magistratibus quibus proxime Supra. 620. Steffan Schueller, burger Zu Odnburg, vnd Anna, sein eeliche hausFraw, haben fur sich vnd Jr erben nutz vnd gwer emphanngen aines hauß Jn der Statt daselbs Zu odnburg, Jn der Neugassen, Zwischen thoman paur vnd thoman Rauscher, beder heuser gelegen, das sy von Catharina, weilvnd des Ersamen weisen herren Wolffganngen wagner, burger vnd des Rats Zu odnburg seligen verlaßner wittiben vmb ain Suma gellts fur frei, ledig erkhaufft vnd beZallt haben. Sollchs khauffs ist gemellte verkhaufferin fur sich vnd Jr erben gemellter khauffer vnd Jrer erben rechte gwererin, scherm vnd furstanndt fur all khunfftig ansprach gegen Cristen 83 vnd Juden nach Stattbrauch. Sy hatt Jnen auch ermellte behausung fur frei, ledig auff- vnd vbergeben, treulich ongeuerde. Actum am 22. tag February Anno etc. 38 (1538.02.22.). Sub dominis Magistratibus Andrea palltram magistrociuium, Joanne Reiß Judice.
