Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
nach STattbrauch. Actum sub dominis magistratibus Christophoro Gratzer magistrociuium et Joanne Reiß Judice, 15. die January Anno etc. 37 (1537.01.15.). [103 r ] 1537 613. Larenntz schuester, burger Zu Odnburg, Barbara, sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der vorstatt Zu Odnburg, an der Lanngen Zeill, neben des Erharten tschun gelegen, das sy von Rueprechten Nykar, Catharina, seiner hausFrawen, vnd Barbara, Petern Värkhaß hausFrawen, wechselweiß an sich gekhert vnnd mit Jrem hauß an der Lanngen Zeill, Zwischen valltan greisser vnd Bärtlme wagnerin, beder heuser gelegen, vnd mit ainer Suma gellts auffgab vergnügt haben. Sollchs wechsls sein ernennt Rueprecht Nykär, sein hausFraw, vnd die varkaß pétrin fur sich vnnd Jr erben gedachts Larenntzn schuester, seiner hausFrawen vnd Jrer beder erben Recht gwer, scherm vnd furstanndt fur all khunfftig ansprach nach STattbrauch gegen menigclich. 87 Sy haben Jnen auch bemellts hauß fur frei, ledig auff vnd vbergeben on geuerde. Actum sub dominis magistratibus, die et anno quibus proxime supra. 614. [Hanns Stromair, Barbier, burger Zu Odnburg, Brigitta sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der vorstatt Zu Odnburg, Jn der Schmidtgassen, Zwischen Jacoben Sailler vnd herren Andre StifftCaplan, beder heuser gelegen, das sy von dem Ersamen Mathiaschen Nagh, auch burger Zu Odnburg, vmb ein Suma gellts fur frei, ledig erkhaufft vnd beZallt haben. Sollchs khauffs ist bemellter Verkhauffer fur sich vnd all sein erben gedachts Hannsen Stromair, seiner hausFrawen vnd Jrer beder erben rechter gwer, scherm vnd furstandt fur all khunfftig ansprach gegen Cristen vnd Juden nach Stattbrauch. Er hatt Jnen auch bemellts hauß fur frei, ledig auff- vnd vbergeben Actum am 13. tag aprills Anno domini etc. 37 (1537.04.13.), sub dominis magistratibus Christophoro Gratzer magistrociuium, Joanne Reiß Judice.] 615. Thoman Paur, burger Zu Odnburg, Anna, sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der Statt Zu odnburg, Jn der Neugassen, Zwischen herren Matheusen Tröppl vnd Steffan schueller, beder heuser gelegen, das sy von dem Erbern Tyburtzen vleischacker vnnd veronica, seiner hausFrawen, vmb ain Suma gellts fur frei, [103 v ] ledig erkhaufft vnd beZallt haben. Sollchs khauffs sein die benennten verkhauffer fur sich vnnd all Jr beder erben recht gwer, scherm vnd furstanndt fur all khunfftig ansprach gegen Cristen vnd Juden, 83 nach Stattbrauch. Er hatt gemelltem thoman paurn vnd seiner hausFrawen auch (sie!) bemellts hauß fur frei, ledig auff- vnd vbergeben, Ongeuerde. Actum am 18. tag április Anno etc. 37 (2537.04.28.). Sub dominis Magistratibus Christophoro Gratzer magistrociuium, Joanne Reiß Judice. 616. Her Allex gering, burger vnd des Rats Zu Odnburg, Catharina, sein eeliche hausFraw, haben fur sich vnd Jr beder erben nutz vnd gwer emphanngen aines hauß Jn der Statt Zu Odnburg, Jn der vleischackergassen Zwischen Matheusen Hoschen vnd Niclasen kholbmhoffer, beder heuser gelegen, das sy von dem Edln vnnd vessten herren Anndreen Palltram vmb ain Suma gellts erkhaufft vnd beZallt haben. Sollchs khauffs ist bemellter verkhauffer fur sich vnnd all sein erben rechter gwer, scherm vnd furstanndt fur all khunfftig ansprach gegen Cristen 83 vnd Juden, nach Stattbrauch. Er hatt gemelltem herrn Allexen vnd seiner hausFrawen auch gedachts hauß fur Frei, ledig auff- vnd vbergeben, Allain das funffZigkh phundt phening, dauon man Jerlich [diennt] Jn das kloster Zum Stainamannger diennt Zwainczigkh schilling phening, darauff verpfenndt vnd ligendt sein, wie dann sollch Suma gellts Jn dem khauff auch ist bemellt worden ongeuerde. Actum am 14. tag May Anno etc. 37 (2537.05.24.). Sub predicto domine Andrea palltramb magistrociuium et Joanne Reiß Judice.
