Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
nutz vnd gwer auff- vnd vbergeben. Actum sub dominis magistratibus Andreae palltram magistrociuium, Joanne Reyß iudice, 22 die marty Anno etc. 35 (1535.03.22.). [96 v ] 1535. 589. Peter Graff, burger Zu Odnburg, Helena, sein hausfraw, vnd Ir beder erben haben nutz vnd gwer emphanngen 1res hauß Zu Odnburg Jn sannt Jorgen gassen Zwischen Hannsen Rainer peckhen, ainem des Rats, vnd Peter schuester, beder heuser gelegen, mit allen desselben ein- vnd Zuegehorung, was von aliter vnd von rechts wegen darZue gebraucht ist worden, das sy halbs erkhaufft haben von Jacoben Ledrer, burger Zu Odnburg vnd halben taill von Leopollden stainer, auch burger daselbs, vmb ain Suma gellts, der sy an abganng völligclich entricht vnd beZallz sein. Solchs khauffs sein gemellte verkhauffer fur sich vnnd Jr erben recht[e] gwern, schermer vnd furstanndt vor allen ytzigen vnd khunfftigen ansprachen gegen Cristen vnd Juden 83 nach STattbrauch. Vnnd haben berurten khauffern gedachts hauß frey, ledig Jn Jr nutz vnd gwer auff- vbergeben, ongeuerde. Actum sub dominis Magistratibus Andrea palltram magistrociuium et Joanne Reyß Judice, am frey tag vor Georgi Anno etc. 35'° (1535.04.23.). 590. Gregorius Polän, burger Zu Odnburg, vnd dorothea, sein hausfraw, haben fur sich vnnd Jr beder erben nutz vnd gwer emphangen aines [hauß gelegen] Weingarten gelegen Jm Herlensgrundt am ort, neben den Clausen, statthalben nachpaur Caspar paur, den sy von Michelin Hilltebranten alls gewallthaber vrsula, seiner Schwester vnd weillannd Leopolldn vedschinger, burger Zu Odnburg verlassen wittib vnd Jrer khinder fur frey vnd ledig erkhaufft vnd beZallt haben. Sollchs khauffs ist gemellter verkhauffer an statt ermellter seiner Schwester vnd derselben erben rechter gwer vnd scherm vor aller khunfftiger ansprach gegen Cristen vnd Juden 83 nach STattbrauch, vnd hatt berurten khauffern gedachten [khauffern] Weingarten frey, ledig auff- vnd vbergeben Ongeuerde. Actum sub dominis Magistratibus Andrea palltram magistrociuium, Joanne Reiß iudice, 5 to May Anno etc. 35 (1535.05.05.). [971 1535 591. Clement Mullner, burger Zu Odnburg, Dorothea, sein eeliche hausfraw, haben fur sich vnd Jr beder erben nutz vnd gwer empfanngen aines hauß Zu Odnburg, gelegen an der Lanngen Zeill, Zwischen Steffan Bläß wetter vnd Cristan Praittenawer beder heuser, das sy mit aller seiner ein- vnd Zuegehorung [erkhaufft haben] von den Ersamen Michel Harder, burger Zu odnburg fur sich selbs, vnd herren Petern Lanng vnd Georgen fidler, alls gwallthaber Matheusen, weillend michelln fidler verlassen sones, fur frei, ledig erkhaufft vnd beZallt haben. Sölchs khauffs sein gemellte verkhauffer fur sich vnd Jr erben rechter gwer vnd scherm vor aller khunfftiger ansprach gegen Cristen vnd Juden 83 nach STattbrauch, vnd haben berurten [ver]khauffern gemellts hauß frei, ledig Jn Jr nutz vnd gwer auff- vdn vbergeben. Actum sub dominis Magistratibus Andreae palltram magistrociuium et Joanne Reiß Judice, 15. die decembris Anno etc. 35 (1535.12.15.). [97"] 592. Corporis Christi Veitt pawer [Anno domini etc. LXXXVI an Montag nach Bartholomei (1486.08.28.) haben die Erberen herren Burgermaister, Richter vnd Rat der stat Zw Odennburg von wegen goczleichnams Ambt, So herr Gindersich, weilent Spon vnd Hawbtman gewidmet hat, Nw vnd Ewiglich Jn Sand Michels pfarrkirchen all pfincztag Zw Singen Vnd mit der procès vmb Zwgeen, dem Veit pawer gelichenn Sechs vnd Sibenczig guidein, douon er Jarlich einem ieden pfarrer der egenanten kirchen Jarlich Zw Sand Partllmes des heiligen XII boten tag (08.24.) dient Sibenn guidein vnd Sechs Schilling / darumb er [vor] genanten heren Zw fwrpfannt seczt Sein haws om Holczmark, Zenachst des Thoman Aisgrabs Vnd Sigmund Strobls hewser gelegen, Seinen
