Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
Katherina vnd Veronica, auch frei, ledig gesprochen vnd erkhannt worden vor aller kunfftiger ansprach etc. Beschehen mittichen Vor Vnnser frauen tag Ze liechtmessen Im 31 ten Jar (1531.02.01.). Sub magistratibus christofero gratzer et Andrea paltrumb. [83 r ] 1531. 531. Her peter Lanng laibriester, lasarus sein Brueder, baid Burger Zu odennburg vnd Ir erben haben nütz vnd gwer Emphanngen aines achtl Weingarten Im goldperg Zu medwisch, Zwischen der graffschafft forchtenstain vnd Ir, der gebrüeder selbs Weingarten gelegen, den sy von Her petern [Lanng] Haller, ettwon pharrer Zu medwisch fur ledig vnd frei hintz christen vnd Juden kaufft vnd beZallt haben, auf solh beZallung hat der Verkaufter baid gebrüeder Vor den grundherren berurtz weingartserbs halben an nutz vnd gwer bracht, Inen dasselb frei, ledig vor aller kunfftiger ansprach aufgeben vnd eingeantwurt, sich auch nach statbraüch schermbs Verschriben gegen den Verkauffern, Wie sülhs kauffs recht vnd gewonhait ist. Actum montag Vor Valentini Anno etc. im XXXI ten (1531.02.13.). Sub magistratibus christofero gretzer et Andrea paltrumb. 1531. 532. Her Christoph gratzer fleischagkher, Die Zeit 59 Burgermaister Zu odennburg, Kunegund sein hausfrau Vnd Ir erben haben nutz vnd gwer emphanngen aines Weingarten auf den Sporn Stainn, Zwischen hanns Murren Vnd her wolfganngen wetzer, pharrer Im Spital Weingarten gelegen, den sy Von Lasla pauern, Benigna seiner seiner (sie!) hausfrau fur frei, ledig kaufft vnd beZallt haben. Solches kauffs sein gemelte verkaufter recht gwer vnd scherm vor aller kunfftiger ansprach hintz christen vnd Juden nach statbraüch Vnd haben den kaüffern hiemit berurt erbstugkh frei, ledigklich In Ir nutz vnd gwre aufgeben vnd eingeantwurtet, Wie das mit Rain vmbfangen ist, on alle beswerden, Zinß vnd geschulden, treulich, Vngeuarlich. Beschehen auf dem Rathauß am montag nach Inüocauit Im XXXI ten Jar (1531.02.27.). Sub magistratibus eodem tempore et Andrea paltram Judice. 1531. 533. Her Blasi nadt, Ratzburger Zu odennburg vnd seine eleibliche Kinder haben nütz vnd gwer emphangen aines achtl Weingarten im grossen golldperg, Zwischen Her mathes Stifftcaplan vnd hannsen stettner, burger Zu der Neüenstat Weingarten gelegen, das mit Kauf von Andreen Royt, burger Zu der Neüenstat, margaretha seiner hausfrau fur ledig vnd frei hintz christen vnd Juden 60 an sy kumen vnd volligklich beZalt haben nach statbraüch, actum montag nach Judica im XXXI ,en Jar (1531.03.27.). Sub magistratibus ut Supra. [83 v ] 1531. 534. Steffan pinther letzelter, burger Zu Odennburg, Barbara sein hauswirtin vnd Ir erben haben nutz vnd gwer emphangen 1res hauss in der schmidgaß, Zwischen michael sailers vnd Sigmunden fechters heusern gelegen, das Inen Von Wolfganngen fechter vnd seines steuff- vnd phlegkinds erben Vor denen herren Zu ödenbürg vnd Irem grundpuech, auf erlegen vnd beZallung der völligen kauffSümma, vor aller beswerden vnd ansprach hintz christen vnd Juden, frei, ledig aufgeben vnd mit aller seiner Zuegehorung in nutz vnd gwer eingeantwurt ist worden. Beschehen am Mittichen nächst vor Letare Im XV e vnd XXXI ten Jaren (1531.03.15.). Sub dominis Magistratibus christofero gratzer et Andrea paltramb. 59 Bis hieher nachträglich unterstrichen 60 Von hintz angefangen nachträglich unterstrichen
