Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
535. Gregor polan, Burger Zu Odennburg, dorothea sein hauswirtin, derselben baider erben haben nutz vnd gwer emphanngen aines hauss in sand georgen gassen, nächst Her deshalb der mörin gelegen, Zwischen weilend mathes felber ledrer erben vnd micheln schuester heusern, das sy Von Her Mathias Voyth vnd seinen erben kaufft vnd fur ledig vnd frei hintz christen vnd Juden vnd aller beswerden völlichlich beZallt haben, der verkaufter hat Inen auch berürt hausung vor dem grundpuech ledig vnd frei aufgeben, in Ir nutz vnd gwer mit aller seiner Zuegehorung eingeantwurt nach statbraüch, actum montag nach oculi Anno 1531 ten (03.73.). Sub magistratibus christofero gratzer et Andrea paltramb. 1531. 536. Her mert sighart, Burger vnd ainer des Ratz Zu odenburg, Juliana sein vxor vnd Ir erben haben nütz vnd gwer emphangen aines achtl Weingarten Inn gläsern, neben Christof sighart Vnd n. Rumpier Weingarten gelegen, der mit rechtem kauf, fur ledig vnd frei hintz christen vnd Juden Von Laurentz pinther vnd seinen erben an sy kumen vnd Völlicklich beZallt haben nach statbraüch. Beschehen am montag nach Judica Im 153l ten Jar (03.27.). Sub magistratibus christofero gratzer et Andrea paltramb. [84 R ] 1531. 537. [Her Blasi nadt, Burger vnd ainer des Ratz Zu Odenburg vnd seine eeleibliche kinder haben nutz vnd gwer emphangen aines hauss in der stat mit seiner Zuegehorung, Zwischen Benedict Kewyr vnd Veit Schneider, burgern Zu odenburg heusern am platz gelegen, das mit rechtem kauf Von weillennd michael Iban erben, fur ledig vnd frei hintz christen vnd Juden an sy kümen, Vnd beZallt haben. Vnd demnach auf gemelter hausung 50 tal. den. Zins Zu ainer stifft in der schmidgaß des Jungen her vlrich ligen vnd Verschriben im bristerbuech ist, so Will gemelter her waläsch der stifft ain ander erbstuckh im golldperg verphenndten vmb die 50 tal. den., Wie statbraüch ist. [Vnd] Actum auf dem Rathauss montag nach Judica Anno 1531 (03.27.). Sub Magistratibus christofero gratzer et Andrea paltramb.] Denselben tag hat her Waläsch vnd seine eeliche kinder nutz vnd gwer emphangen aines Virtl Weingarten im goldperg gegen Rust Im fläming [gelegen], das obrist Virtl nächst neben des michel Iban erben Weingarten, daselbs im fläming gelegen, das mit rechtem kauf von Weilend michel Ibans erben fur ledig vnd frei, hintz christen vnd Juden an sy kumen Vnd völlig beZallt haben nach statbraüch. Beschehen montag nach Judica Anno 1531 (03.27.). Sub magistratibus ut Supra [fo] posta proxima. 538. Peter Hochraidl, burger Zu odennburg hat Hannsen fleischagker, auch burger daselbst erlegt 13 tal. den. vmb ettlich wisflegkel Vnd ain Weingärtl, auch fur arbait 10 sol. den., hat also dieselben erb beZallt Vnd nutz vnd gwer derselben erbstugkh fur sich vnd seine erben emphangen, fur ledig vnd frei hintz christen vnd Juden etc. Beschehen montag vor trinitatis im 1531 ten Jar (05.29.). [84 V ] 1531. 539. Her georg schmid, ratzburger Zu Odenburg, Anna sein hausfrau Vnd ir baider erben haben nütz Vnd gwer emphangen aines achtail Weingarten im obern stainer, neben Jacob ledrer vnd Her georgen pei der schuel Weingarten gelegen, das sy von weilend genantem Veit schuester, burger Zu odennburg kaufft Vnd beZallt haben, fur ledig vnd frei hintz christen vnd Juden. 61 Beschehen mittichen Vor Viti martyris im XV E vnd XXXI TEN Jaren (7537.06.74.). Sub dominis Magistratibus martino sighart et andrea paltramb.
