Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
528. Mert schaden haus 2 Juden eingeschätzt vmb schuld. Der her Christof gratzer, die Zeit Burgermaister Zu odennburg, Kunegund sein hauswirtin Vnd Ir erben haben nütz vnd gweer emphanngen aines hauss vnd setz auf der sanndtgrueb gelegen, welches dann mert schaden ist gewest, Vnd den hernachbestimbten Juden, mit Nomen Jung Jacoben, der malka sun, Vnd Ysaac Juden, des sich gemelter Jacob Jud volmachtigklich vnderstanden vnd angenomen, auch dem Jungen Mair Leser Juden vmb schulden eingeschützt ist worden, benantlich vmb 54. tal. den., auf solh einschatzung seind gemelte Juden vor dem grundbuech [82 r ] 58 erschinen, solh hausung dem kauffer ledig vnd frei aufgeben, die Inen her burgermaister beZallt hat. Darauf sich dann die Juden gegen dem kauffer hintz christen vnd Juden fur sich Vnd Ir erben Vnd menigklichs von Iren wegen schermbs vmb berurten kauf nach statbrauch verpunden vnd verschriben haben. Vber die obbestimbte schuld seind denen Juden auf Ir Zuhandengeben von mert schaden nach V tal. den. fur all der genantn drei Juden schulden gesprochen worden, die werden den Juden durch gericht Zuegestellt. Vnd ist hiemit mert schaden vnd sein erben Von den dreien Juden vnd Iren erben vmb al schulden vnd Ir ansprach, so er Inen hintz auf heutigen tag [Zutun] mit der on schrift Zutun ist gewest, ganntz ledig worden. Vnd die Juden ainem ersamen Rat mit Mündt Vnd handt Zuegesagt, den mert schaden vnd sein erben vmb all Ir schulden aus Iren Judenpuechern vor Iren Judenrichtern strags ausschreiben Zelassen, Dieselben Schriften vnd schulden sollen auch also endcrefftigt, tod vmnd ab sein. Beschehen freitag Sebastiani Anno 1531 (01.20.). Sub magistratibus christofero gratzer et Andrea paltrumb. [82 v ] In Anno domini 1531. 529. [Peter Graf, burger Zu Odennburg, Helena sein hauswirtin vnd Ir erben haben nutz vnd gwer emphangen 1res halben hauss in sand georgen gassen, Zwischen Hanns Rainer pegkhen, ainem des Ratz, Vnd vnd (sie!) Jacoben ledrers halben hausung gelegen, das sy von genantem Jacob ledrer mit den her nachbestimbten Zimern vnd gemächen vnd grundten Zu Haüss vnd veld kaufft vnd bezallt haben. Benantlich [dye] den [Halben] ain stogkh des Hauss neben gemeltes peckhen gelegen mit allen Zimem, Stuben, Kuchl, Kümern, Zwaien rosställen vnd den Cästen dar Zue, mit aller Zuegehorung, ausgenomen den Hindtern Keller [ge] an derselben seitten gelegen, ist in taillung Jacoben ledrer vnd seinen erben Zuegetailt worden. Vnd den eingang vnd gebrauch der stiegen sol Jacob ledrer sein lebenlang mit dem grafen vnd seinen erben gemain haben, dann nach desselben ledrer absterben gefeilt die stieg mit mit allen gebrauch vnd aigenschafft Zu des grafen halben haüsung ledig vnd frei vnd sollen sich also der hausung vnd auf taillung mit vnd gegen einander gebrauchen, Wie oben vermellt ist mit den Zimern. Vnd der feldgründt halben sol ain Jede parthei gleich halben grundt haben, [g] neben Irer nachpern treulich, Vngeuarlich, beschehen montag nach Vincencii im 31 te " Jaren (1531.01.23.). Sub magistratibus christofero gratzer et Andrea paltrumb.] [Item Bemelte partheien sollen sich der einfart, des thors miteinander in gemain brauchen, Vnd mit der hofstat [nach] des hofs, wie der hof der Zeit der taillung Inen Zu baider seitt ist aufgeZaigt worden. Vnd wann das thor manglhäfftig wirt, sollen sy das auf gleichen costen lassen machen.] 1531. 530. Friderich Lëher Schneider, burger Zu odennburg [vnd seine kinder] hat nutz vnd gwer emphangen seines hauss in der Neugass, Zwischen weilend Wentzl scherer erben Vnd mathesen tröppl heusern gelegen, das er [halbs erheuratt vnd den andern halben tail] beZalt hat, für ledig vnd frei, Welches Ime durch der obrigkait Von seinen Zwaien steuffkindern, Auf 82 v oben steht: 1531
