Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
ist durch puelndorffer als Statrichter Vnd ettlich des Ratz vnd der freundschafft gemacht worden in des statrichter haus an sand niclas abend Anno etc. im 24. Jar (1528.12.05.). 495. Item Anno etc. im 30 lai am freitag vor oculi (1530.03.18.) hat der puelndorffer der Riemerin auf begeren [de] vnd Zuegeben des Wastl an obgemelten XXIII Vi tal. den. Zallt vnd erlegt III Vi tal. den. vnd bleiben dem khnaben noch 20 tal. den. vbrig, sol íme vorbehalten werden. 496. An heüt, montag nach Andrée apostoli Im 32 ten Jar (1532.12.02.) Hat michael puelndorffer Zu des erben hannden erlegt dye 20 tal. den., so er Inen per rest amb hauss ist Zutun gewest vnd der erb hat die lest werüng, benantlich 12 tal. den. vor den heren aufgehebt etc. [76 r ] 497. Mathes garthner, Burger Zu Odennburg, Khatherina sein hauswirtin vnd Ir erben haben nutz gwër emphanngen Dreyer Weingarten, ainer, des ain Virtl ist, auf der Haid bei Medwisch, Zwischen des Jungen Her vlrichen von odenburg Vnd n. Kratzen von Medwisch Weingärten gelegen, der Annder, ain Virtl im altnperg, neben peter letzellter von medwisch Weingarten gelegen, Der Dritt auch in der Haid, des ain achtl ist, Zwischen ainem von petschaden vnd ainem aus der Neustat Weingarten ligund, Die mit rechtem kauff [frei, ledig] von maister leopold Vedscheler goldschmid, mitburger Zu Odenburg vnd seinen erben san sy kumen [ist] sein fur ledig, frey hintz christen vnd Juden vnd haben dieselben Weingarten berait vnd par beZallt, actum montag Freitag vor Laurenti Anno 28 (1528.08.07.), tempore michaelis Iban Magistri ciuium, pauli schützner Judicis. 1528. 498. Cristoff Köppl, Burger Zu Odennburg, Dina sein eewirtin vnd Ir erben haben nuts vnd gwer emphanngen aines 1res hauss am vischmargkht Zu Odennburg, Zwischen mathes Kolbmhouer vnnd maister georg tobler kürsner, Burgern Zu Odenburg heusern gelegen, Welches sy von maister Sigmund Krotenhauser kursner, burger daselbst vnd seinen erben fur frei, ledig hintz christen vnd Juden kaufft vnd völlig beZallt haben. Actum freitag vor vnnser Frawen tag Irer himelfart Anno etc. im XXVIII ten (1528.08.14.). Zu Zeiten paul schützner Statrichter. 1528. 499. Her peter lanng laybriester vnd Lasarus Lanng, sein Brueder, Baid Burger Zu Odenburg, vnd Ir erben haben nutz vnd gwer emphanngen dreier Achtl weingart in ainem Rainn Im goldperg ob medwisch gelegen, Zwischen des pharrer von medwisch vnd Hannsen schirwaiger, Burger Zu der Neüstat Weingarten, den sy von Hannsen pieschen ledrer [76 v ] 41 Burger Zu Odenburg vnd seiner hauswirtin vnd Iren paiden erben kaufft vnd völliglich beZallt haben, Darauf Inen die verkaufter Bemellt weingarterb vor ainem ersamen Rat vor dem grundpuech vor aller kunfftiger ansprach hintz christen vnd Juden 42 frey, ledig In Ir nutz vnd gwer eingeantwort, sich auch schermbnis nach stat Brauch gegen der kauffern Verschriben, Wie recht ist. Vnd ob furan Brieflich vrkunden oder icht anders von gemelltz Weingarten wegen herfur kamen oder erfunden Wurden, Die sollen hiemit entkhrefftigt, tod vnd ab sein etc. Actum Zu Zeiten michel Iban Burgermaister, paul schützner statrichter, Freitag nächst nach Vnnser frauen tag Irer geburd Anno domini 1528 (09.31.). [77 r ] 41 Auf 7T oben steht: 1528 42 Von hintz angefangen nachträglich unterstrichen, am Rande: N(ota) B(ene)
