Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
500. Peter graf, miburger Zu Odenburg, Helena sein hauswirtin vnd Ir erben haben nutz vnd gwer emphanngen Irer wisen, die Awwisen genannt, nächst des frantz Sübenburger garten vnd neben der Krautgarten gelegen, die sy von herren Burgermaister, Richter vnd Rat gekaufft vnd beZallt haben. Vnd bemellte wisen hat ettwon Zu gemainer stat gehört, Weihe Inen durch die herren fur ledig vnd frei eingeantwort ist worden. Beschehen tempore michaelis Iban Burgermaister, paul schützner Statrichter. Am mittich des achten der heiligen drei kunig tag Anno etc. im XXVIIII ,en (1529.01.13.). 501. Ambros Brasch, mitburger Zu Odenburg, Cristina vxor vnd Ir baider Erben haben nutz Vnd gwer emphanngen ainer Wisen im gaißpach, neben der greisser wisen gelegen, wie Die mit Rain Vnd graben Vmbfanngen ist, Welche mit kauf Von weilend Rueprecht Hauser hauswirtin, Elisabeth vnd Iren erben an sy kumen vnd fur ledig vnd frei hintz khristen Vnd Juden 43 beZalt haben, Vnd solh Verkaufen bemellter wisen halben ist durch die heren als grundtherren Zuegeben Worden, Das die fraw saugende vnd ander klaine, VnerZogene kinder hat, dieselben dauon getreulichen Zuunderhallten. Beschehen mittichen nach conüersionis S(ancti) pauli Anno 1529 (01.27.). Sub Magistratibus michaele Iban et pauli schützner. Dise wisen ist per III Vi tal. den. erkhaufft worden, aber die graben sein nit Zuuersteen, von den graben vmb das holltz, des sich prasch abZuhawen fräuenlich vnder stannden, Die wisen erweittert, wellche Ime vollgendts abgesteckht [wo], vnd er ist darumb gestrafft worden, soll hinfuran khain holltz der ennden abhawen, noch mit der wisen, wie sy abgesteckht, verkhaufft werden, wo aber prasch weitter reitten Vnd vber [das] die abgesteckhten march greiffen wurde, soll er 10 fl. verfallen sein. Actum 8. die augusti Anno domini 1543. 502. 1529. Hanns leuttner erben. Weillend Hannsen Leuttners, Burgers Zu Odenburg, Frau Anna relicta Vnd derselben baider erben haben nutz Vnd gwer emphanngen 1res hauß in der Vleischagkergassen in der stat, Zwischen merten Sigharten vnd Vlrichen sigharten heusern gelegen, Welches sy Von Petern fleischagker kaufft Vnd beZallt haben, Vnd er Inen solh berürt hauß Jetzt als kranngks leibs in beisein georgen mogkh vnd lasla kramer, so an seiner stat vor den grundherren erschinen Vnd einbekhent, auß seiner nutz vnd gwer In Ir nutz Vnd gwer frei vnd ledig aufgeben Vnd eingeantwurt Hat hintz christen Vnd Juden, beschehen montag Vor Vnnser frawen tag Ze liechtmesßn Anno etc. im 29 (1529.02.01.), Sub Magistratibus michaele Iban et paulo Schützner. [77*] 503. [Prouentus plebani Hospitalis.] 1529. Benedict kursner, mitburger Zu Odennburg, margaretha sein hauswirtein vnd Ir baider erben haben nutz vnd gwer emphanngen Aines virtl Weingarten im Härmler, Zwischen Caspar Kolb vnd Andre letzellter, burger Zu der Neustat Weingarten gelegen, Denselben Weingart Inen her Wolfganng Wetzer, pharrherr im Spital vor ainem Ersamen Rat als grundherren auss seiner nuts vnd gwer in Ir nuts vnd gwer frei, ledigklich vber vnd aufgeben Vnd eingeantwurt hat hintz christen vnd Juden 44 Vnd vor aller kunfftiger ansprach etc. Beschehen Freitag Vor dem suntag Oculi Im 29 Jar (1529.02.26.). Sub Magistratibus michaele Iban et pauli schutzner. Von hintz angefangen nachträglich unterstrichen Von hintz angefangen nachträglich unterstrichen
