Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
Bescherten freitag nach viti anno 28 (1528.06.19.). Tempore michaelis Iban Magistri ciuium, pauli schutzner Judicis. 491. Hanns weber von Schadnndorf, vrsula sein hauswirtin vnd ir erben haben nutz vnd gwer empfanngen aines SechtZehentail Weingarten in der Lanngen schidung im Durlas gelegen, Zwischen georg Rot von Agendorff Vnd gall von Schadendorff Weingarten, Welches mit kauff von weilennd Oswald CZürtz von agendorf gelassen witiben, frawen Wallpurgen Vnd Iren baiden erben frey vnd ledig, hintz christen vnd Juden 39 frey vnd ledig kumen ist, den selben Weingarten haben sy, der Verkaufter gemelltem Weber vnd sein erben Vor disem grundpuech frey, ledig aufgeben Vnd nach statbrauch Inen schütz vnd schermbnis versprochen etc., actum Frey tag nach Viti Anno etc. im XXVIII ter (3528.06.29.). 1528. 492. Veit Khnütl peu tier vnd Burger Zu [Ode] der Neustat, Affra sein hauswirtin Vnd Ir erben haben nutz Vnd gwër emphanngen aines achtl Weingarten im Sauprun, neben Jacob schueler Weingarten gelegen, den gemellte affra ains tails Von weilend frawen margaretha Krabatin, so nachmals pernharten glos, burger Zu odenburg eelich gehabt, ererbt, Vnd ain taylel Von Irer swester vnd schwägrin christina, lamprechten Peütler Zu der neüenstat gemähl, abgelöst, kaufft vnd volliglich beZallt haben, ledig vnd frei, beschehen Sambstag nach philippi vnd Jacobi Anno 28 (1528.05.02.), tempore michaelis Iban magistri ciuium, pauli schutzner Judicis. [75 V ] 1528. 493. CHarius lanngkpain Schneider, mitburger Zu der Neüenstat vnd Katherina sein hauswirtin, die ettwonn n. Zingiesser daselbst eelich gehabt, haben nuts vnd gwer emphanngen aines achtl Weingarten im felberprünn, Zwischen n. Stubenfol Vnd michel fidler Weingarten gelegen, das ettwon von dem allten Eysfogl, burger Zu odenburg, der Katherina Anherren mit erbfallen Ir angefallen ist. Doch also ob sy oder die erben bemellten Weingarten ein Ziehen, Die sollen X tal. den. Zu aller gläubigen seien Zech Zu Odenburg erlegen. Dieselben X. tal. den. haben egenannte Zway kanleüt [Von der Zech] nach Vermögen des eisfogl testament Zu der bemellten Zech hannden erlegt, sunst ledig vnd frei etc. Beschehen freitag nach margarethe Anno etc. 28 (1528.07.17.), tempore michaelis Iban magistri ciuium et pauli [ma(gistrati)] 40 Schutzner Judicis. 1524. 494. Egidi schmauss, Burger Zu Odenburg, magdalena sein hauswirtin Vnd Ir erben haben nütz vnd gwer emphanngen 1res hauss in der schmidgass, Zwischen peter Riemer Vnd math(e)s Hösch heusern gelegen, Das mit vorwissen der herren Ambleut, als heren puelndorffer, die Zeit Statrichter Vnd des Cuentz Vischer Vnd der freundschafft aines aufrichtigen, redlichen kauffs Von der georg Rimerinn Vnd Iren [er] miterben an sy kumen ist. An bemelltem hauss, Das sy Vmb Funffvndsubentzig phunt den. kaufft, haben sy vor dem [statgericht] [puelndorffer als purgermaister] statrichter, dem puelndorffer 40 tal. den. ausgericht, [So] Vnd die Vbrigen 35 tal. den. haben sy für den puelndorffer, [nidergelegt] nachüolgender Zeit als purgermaister nidergelegt, Dauon der purgermaister den erben ains tails ausgericht Vnd Bleibt dem khnaben der gemellten Riemerin Sün, Wastl [na] genant, nach an gemelltem hauss XXIII Vi tal. den. schuldig, Dieselben Summa gellts soll der khnab auf des gemellten puelndorffer hab vnd guetern haben vnd bekhumben, Vnd der puelndorffer sol bemellt gellt Zu des erben handen erlegen etc. Vnd sölher Vertrag Vnd kauf Von hintz angefangen nachträglich unterstrichen, am Rande: N(ota) B(ene) Dazu in der folgenden Zeile: sol vor sten pei der JarZall
