Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
468. Hanns CZygen Von Harka, Radegund sein hauswirtin Vnd Ir erben haben nutz vnd gwer empfanngen aines virtl weingart Im Kueperg, neben der Schmid Zech weingart gelegen, den sy Von den herren Von Odennburg fur ledig vnd frey gekauft vnd an sich gebracht haben. Actum freitag Vor der khreutz wochen Anno etc. im 27 (1527.05.24.). 469. Thoman Deumel vnnd georg Deumel, Baid Burger Zu Odennburg haben nuts Vnd gweer Emphanngen der Ägker Im geren gelegen, Zwischen peter Schneider, panncrats Hellwiser Vnd her Hieronymuß Hierß akhern gelegen, Die Inen ain Ersamer Ratt an stat der Brueder sand Franciscen orden Zu Odenburg Zukauffen geben Vnd die haben sy den khirchvätern gênants Closters fur frey, ledig beZallt haben Vnd Zu derselben hand gestellt. Beschehen am Suntag Rogationum Anno etc. im 27 (1527.05.26.). 470. Helena, weilennd Niclasen piestingers hauswirtin hat nuts vnd gwer emphanngen aines halben tail haüß in der schmidgass, neben mathes schöth oder maürer genant, Vnd Caspar slesinger heusern gelegen, das sy mit gedachtem Irm hauswirt von genantem mathes maürer für frei, ledig kaufft vnd beZallt haben, Dasselb [71 v ] halb hauß hat sy nach 1res hauswirt absterben Von seinen freundten, Christan Hunger Von Tünreichskirchen Vnd margaretha, seiner [swester] hauswirtin, So gemellts piestinger swager Vnd swester gewest sein, [lautt der Enndlichen vrtl Zwischen] mit parem gellt abgelöst Vnd die ganntz hindan gefertigt, das sy hinfur nach der frauen Helena, Irer swägrin tod vnd abganng Zu gedachtem halben hauß nichts mer Zusuëchen noch Zesprechen haben sullen, [actum] Darauf haben sy der frawen solh erb Vor heren Burgermaister vnd vil frumben leuten frei, ledig aufgeben, In Ir nutz vnd gwer etc. Beschehen tempore michaelis püelendorffer Magistri ciuium et pauli Moricii Judicis Anno etc. 27, montag nach Margarete Virginis et martyris (1527.07.15.). 471. Maister Leopold Kogler, mitburger zu Odennburg, Vrsula sein hauswirtin Vnd Ir baider erben haben nütz vnd gwer emphanngen 1res hauß in der fleischaglker gasß, Zwischen Hanns Bläsweter vnd michel fleischagkher heusern gelegen, Das mit redlichem kauff Von Christof köppel fleischagkher, burger Zu Odenburg fur ledig Vnd frey, hintz christen Vnd Juden an sy kumben ist. Beschehen montag nach Laurencii martyris Anno etc. im 27 (1527.08.12.). Tempore michaelis Puelndorffer Magistri ciuium et Pauli moricii Judicis. 472. Caspar Kolb, Burger Zu Odennburg, Martha sein Eeliche hauswirtin vnd Irer baider Erben, ausgenomen Frauen magdalena, [die] Ir baider eeliche tochter, die Yetzund Christoffen Sighart eelich, haben nutz vnd gwer emphanngen weilennd Helena, Hannsen kolbat gelassen witib, Irer Swiger vnd Mueter haüß Zw odenburg, am Platz, Zwischen christoffen gratzer Vnd des haubtman heusern gelegen, item aines Weingarten im Ranusch, Zwischen her Erhart vnd her Hansen beneficiaten Zu der Neustat Vnd odenburg Weingarten gelegen, mer aines halben Weingarten im Härmbier, Zwischen her wolfgangen wetzer Vnd der fleischagker Zech gelegen. Vnd [72 v ] 33 Ainer wisen, genannt die teuffwisen, Zwischen Sägrer Vnd Schwartzl Beneficium wismaden gelegen, item Ainer wisen Im gaisbach gelegen. Vnd sunst aller bemellter kolbat Hannsin aligunder guter, so sy nach Irm tod Verlassen hat. Vnd in obgeschribnen anligunden gütern haben baide genannte kanleüt Ir tochter, magdalenam der vrsachen halben neben andern Iren khindern in erbschaft aüsgeslossen, [w] Von wegen, Das Ir von demselben Irer Ayndlein guter klainhaiten, wein vnd pethgwand ain meers, wann der kinder, Iren geswistergiten, ainem neben Ir in taillung gefallen war. Beschehen mittichen nach michaelis archangelis Anno etc. im 27 (1527.10.02.). Tempore michaelis puelndorffer Magistri ciuium et pauli moritii Judicis. Auf 72 v oben steht: 2527
