Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
473. Peter Schneider, mitburger Zu Odennburg, [ettw] Vrsula et heredes haben nutz vnd gwer emphanngen 1res hauss am ort in sand michels gass gelegen, Welches mit Rechtigen kauf fur ledig vnd frei hintz Christen vnd Juden an sy Von Wolfgang örtl Vnd seinen erben an sy kumen Vnd völlig beZallt haben. Solch gellt hat paul schützner von wegen des ortl aufgehebt. Actum freitag ante festum Sancte Katharine Anno domini 1527 (12.22.). 474. Bärtlme Schön, Vxor et heredes haben nutz vnd gwer emphangen aines 1res SechZehentail weingart im Harmbier, Zwischen mathes garthner, burger Zu Odennburg Vnd sand wolfganng Kloster Zu wanndorf Weingarten gelegen, den sy von maister Augustin goldschmid kauft Vnd hintz Christen vnd Juden für frei, ledig [kaufft] aufgeben vnd beZallt haben, actum freitag ante festum S. katharine anno 27 (2527.22.22.). [72v] 1527. 475. Bartlmen Rot, mitburger Zu Odennburg, n. Vxor et heredes haben nutz vnd gwer emphanngen 1res hauss Zwischen fritz maürer Vnd michel Prunner heusern, bei dem obern schmidthor gelegen, welches In ain Ersamer Rat an stat der waisen weilennd Benedict Kharnner gelassen kinder vmb 20 tal. den. verkaufft vnd frei, ledig in Ir nutz Vnd gwer eingeanntwort haben. Vnd solh gellt gehört halbs Zu her Bernhart Beneficiaten stifft, der annder halb tail gehört den erben Zue, actum montag nach Vnnser frauen tag Irer emphanngkhnüs anno domini 1527 (12.09.). 476. Item Veit fleischagkher von Medwisch, Verwallter des Benedict Karnner Erben hat von ainem Ersamen Rat begert die Zehen phunt den. Von dem hauss, So Bartlmen Rot erlegt Vnd den Erben Zuegehören, aufZuheben vnd Zugebrauchen, damit er die kindern dest Statlicher mit kost vnd klaidung vnnderhallten mög. Dieselben bestimbten X tal. den. hat Im ain Ersamer Rat aufZuheben Vnd Zugebrauchen Vergunt. Darumben sol er den kindern Sein hauss Zu medwisch Zumb furphannd einsetzen Vnd hat Inen dasselb sein hauss mit verschriben, das dasselb haus on wissen der herren nit Verkaufft werde, alain den kindern werd Ir gellt darauf vorbehallten, ob das durch fewr verprünn, oder ir abpaw kam, Sollen die kinder bestimbt gellt auf allem annderm sein vnd seiner erben hab vnd guet vor menigklich haben, actum freitag lucie Virginis Anno 27 (1527.12.13.). 477. Elisabet kramerin, weillend Her wolfganngen Ellend kÖchin Vnd Ir Erben haben nutz vnd gwer emphanngen 1res weingartl In der klausen, Zwischen Laslaen Riemer Vnd Her Georgen, Beneficiaten bei der schüel Weingarten gelegen, Welches sy halbs für Ire Legata emphanngen [vnd] von genanntem Her wolfgang Vnd halbs von Ambrosen Riemer Zu Brugk erkauft Vnd völliggklich beZallt [hat], dann Inen baiden berurt weingarterb Ir Herr vnd Vetter, Her wolfgang lautt seines testaments verordent Vnd geschaft hat, actum montag Vor thome apostoli anno 27 (1527.12.16.). [73 r ] 1527. 478. Matthes tröppl, mitburger Zu odennburg, Elisabet sein hauswirtin vnd Ir baider erben haben nutz vnd gwer Emphanngen 1res hauss in der Neugass, Zwischen friderichen Schneider Vnd flórian gamelpauer heusern gelegen in der stat odenburg, Welches sy von steffan Khriehel vnd seinen Erben kaufft Vnd beZallt haben, fur ledig vnd frei hintz Christen vnd Juden, ob es aber ainicherlai ansprach gewünne, von wem das war, soll Ime vnd sein erben genannter Khriehel vor derselben ansprach im Rechten vertreten Vnd schermen nach statbrauch, des sich khriehel bewilligt, actum montag vor thome apostoli anno 27 (1527.12.16).
