Első telekkönyv 1480-1553; A sorozat, 1. kötet - Sopron Város Történeti Forrásai (Sopron, 1993)
DAS GRUNDBUCH/A TELEKKÖNYV
463. Wolfganng pauss, Burger Zu Odennburg, margaréta sein hausfraw vnd Ir erben haben nutz vnd gwër emphanngen Vier grefften Weingarten Inn grefften, neben 1res vnd aines Zech Weingarten Zu der hayligen dreyainigkait Weingarten gehörig gelegen, den sy Von Hannsen Huetter, mittburger Zu Odennburg Vnd seinen erben kauft haben, fur frey vnd ledig. Beschehen am mittichen Vor sand Valentins tag anno etc. im 27 (1527.02.Í3.), tempore Magistratuum Martini Sighart et pauli mauricii etc. 464. Peter Hungerkasten, mitburger Zu Odennburg, Veronica sein Eewirtin vnd Ir baider erben haben nuts vnd gwer emphanngen aines paumbgarten, wisen, ägker vnd Saffran garten, Bey einannder in ainem gefanng, im teuffenweg gelegen, Vnd stöst derselb Paumbgart mit dem vnndern ort an den weingart, der wilend Hannsen Rauhen gewest, dieselben obgeschriben gueter sein mit kauf, Innhalt aines kauf- Vnd aines auffSanndbriefs Von denn Erwirdigen Jungkhfrawen Constancia pügklin maistrin Vnd dem Conuent des Closters Sand Maria Magdalena Zu Wienn vor dem Schottenthor, an gemellten Hungercasten Vnd sein hausfrauen vnd Ire erben kumen für ledig vnd frei, gegen denen sich auch der Erwirdig gants Conüent Zu sand maria Magdalena schermbs, nach Stattbrauch verschriben haben. Beschehen montag post Dominicam Inüocauit Anno 27 (1527.03.11.), Zu Zeiten heren merten Sighart Burgermaister, paul Morits Statrichter. [70 V ] 1527. 465. Her peter Lanng Laybri ester vnd Burger Zu Odennburg, LaZarus Lanng, Sein Brueder vnd Ir erben haben Nuts vnd gwer emphanngen aines achtl weingart im weitengrund, Zwischen Michel Iban vnd Paul schutZnërs, Baider des Rats Zu odenburg Weingarten gelegen. Auf demselben weingart ligt ain Onus aines Hechts bey Vnnser Frauen auf dem graben, da soll man alsofft im Vierdten Jar Von gemelltem weingarterb ain Ampi vnnder dem Morgen Singen Vnd Messen beleichten. Vnd dasselb Erb hat ettwon wolfganngen Schuesters, mitburger Zu Odennburg gelassen kindern Zuegehört, Das Ir Mueter, die Hanns fleischagkerin, Ir gerhabin on wissen aines Ersamen Rats Vnd auch der Erben, dem Schützner Paulen obgemellt Verkauft, demnach Her Peter Lanng nach stattbrauch in den kauf gestannden, das kaufgellt, XXIII tal. den. vor gericht erlegt, Vnd wider bei gericht verpoten, Solanng, Bis erfragt mög werden, ob die kinder inn leben oder tod sein etc. Beschehen freitag ante Reminiscere Anno etc. 27 (1527.03.15.). Tempore Magistratuum Martini Sighart Magistriciuium et pauli Moricii Judicis. 466. Hanns Merten Zingiesser, mitwohner Zu Odennburg, Barbara sein hauswirtin vnd Ir baider erben haben nuts vnd gwer emphangen aines Virtl Weingarten In Clingenpecker gebirg, neben n. Haüsrügker Weingarten gelegen, Den Inen durch Erkanntnus aines Ersamen Rats gegen Erlegung II tal. den. Von Christan Joachim, des leibgeding er gewest vnd von genannter frawen warbara Vater Mueter herruerend, Zuegesprochen ist worden der Vrsach halben, das gedachter Joachim demselben Erb vnd leibgeding mit arbait vnd baw, wie sich geburt, verZugig ist gewest. Beschehen tempore Martini Sighart Burgermaister vund Paul Morits statrichter, am mittichen Vor Letare Anno domini etc. im 27 (1527.03.27.). [71 R ] 1527. 467. Martha, weilennd Benedicten Kharnner, Burger Zu Odennburg, gelassen witib hat nutz vnd gwer empfanngen aines achtl Weingarten im durlaß, Zwischen merten ledrer vnd philipen Franngkh weingart gelegen, der Ir halber Von Irm hauswirt Vmb all Ir Zuepringen Vnd heüratguet ertaillt [wo] Vnd nachgeuolgt hat Vnd den anndern tayl hat sy Von den erben mit Irm par gellt, nemblich IUI tal. den. kaufft Vnd an sich gebracht, ledig Vnd frey. Actum montag nach Pancracii Anno etc. im 27 (1527.05.13.), Zu Zeiten der Ersamen, weisen herren michel puelndorffer burgermaister Vnd Paul morits StatRichter.
